1. వినోదం
  2. తెలుగు సినిమా
  3. కథనాలు
  4. Director Bobby comments on Pawan Kalyan mother issue

సర్.. మీ తల్లికి బిడ్డ మాత్రమే కాదు... ఎంతోమందికి స్ఫూర్తి : డైరెక్టర్ బాబీ

తన తల్లిపై నటి శ్రీరెడ్డి చేసిన వ్యాఖ్యలకు నిరసనగా పవర్ స్టార్ పవన్ కళ్యాణ్ న్యాయపోరాటం చేయాలని నిర్ణయించుకున్నారు. ఇందుకోసం ఆయన శుక్రవారం ఫిల్మ్ ఛాంబర్‌కు చేరుకున్నారు.

Pawan Kalyan
తన తల్లిపై నటి శ్రీరెడ్డి చేసిన వ్యాఖ్యలకు నిరసనగా పవర్ స్టార్ పవన్ కళ్యాణ్ న్యాయపోరాటం చేయాలని నిర్ణయించుకున్నారు. ఇందుకోసం ఆయన శుక్రవారం ఫిల్మ్ ఛాంబర్‌కు చేరుకున్నారు. ఈ విషయం ప్రచారం కావడంతో ఫిల్మ్ చాంబర్‌కు ప్రతి ఒక్కరూ చేరుకుంటున్నారు. అదే సమయంలో తెలుగు చిత్ర పరిశ్రమ మొత్తం పవర్ స్టార్‌కు మద్దతు పలుకుతూ ఆయనకు సంఘీభావం ప్రకటిస్తోంది.
 
ఈనేపథ్యంలో పవన్ నటించిన "సర్దార్ గబ్బర్ సింగ్" చిత్రానికి దర్శకత్వం వహించిన డైరెక్టర్ బాబి కూడా తన ట్విట్టర్ ఖాతా ద్వారా స్పందించారు. ఈయన చాలా భావోద్వేగంతో స్పందించారు. ''స‌ర్‌.. గ‌డిచిన‌ 48 గంట‌లు నా జీవితంలో అత్యంత క‌ఠిన‌మైన క్ష‌ణాలు. మీరు బాధ‌ప‌డుతున్నార‌ని తెలిసినా.. మీరు ఆప‌డం వ‌ల్ల‌ మేం స్పందించ‌లేదు.
 
కానీ, ఇప్పుడు జ‌రుగుతున్న‌ది చూస్తున్న త‌ర్వాత న‌న్ను నేను నియంత్రించుకోలేక‌పోతున్నా. నాకు క‌న్నీళ్లు ఆగ‌డం లేదు. మీరు ఆడ‌వారికి మీరు ఎంత‌ ర‌క్ష‌ణ‌గా ఉంటారో మీతో క‌లిసి ప‌నిచేసిన నాకు తెలుసు. ఇప్పుడు మేం మీకంటే ఎక్కువ బాధ‌ప‌డుతున్నాం. ఎందుకంటే మీరు మీ త‌ల్లికి మాత్ర‌మే బిడ్డ కాదు.. ఎంతో మందికి మీరు స్ఫూర్తి. మీకు నా సెల్యూట్‌. జైహింద్' అంటూ బాబీ ట్వీట్ చేశాడు.
About Writer
pnr
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... మరింత చదవండి
తర్వాతి కథనం
'తిక్క లేచింది.. లెక్కలు తెలిపోతాయ్' : సందీప్ కిషన్