శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By pnr
Last Updated : ఆదివారం, 8 జులై 2018 (14:46 IST)

నటి జయచిత్రకు చేతబడి చేసిన కారు డ్రైవర్

విక్టరీ వెంకటేష్ - మీనా జంటగా నటించిన చిత్రం "అబ్బాయిగారు". ఈ సూపర్ హిట్ మూవీలో హీరోకు పిన్నిగా నటించిన నటి జయచిత్ర. ఈమెకు కారు డ్రైవర్ చేతబడి చేశాడు. పైగా, ఆమె ఇంటిని నకిలీ పత్రాలు సృష్టించి తన ఆధీనం

విక్టరీ వెంకటేష్ - మీనా జంటగా నటించిన చిత్రం "అబ్బాయిగారు". ఈ సూపర్ హిట్ మూవీలో హీరోకు పిన్నిగా నటించిన నటి జయచిత్ర. ఈమెకు కారు డ్రైవర్ చేతబడి చేశాడు. పైగా, ఆమె ఇంటిని నకిలీ పత్రాలు సృష్టించి తన ఆధీనంలోకి తెచ్చుకున్నాడు. దీనిపై న్యాయపోరాటం చేసిన జయచిత్ర విజయం సాధించింది.
 
దీనిపై ఆమె స్పందిస్తూ, తనకు కోడంబాక్కం, రంగరాజపురంలోని భాస్కర్‌ వీధిలో ఓ ఇల్లు ఉంది. తన దగ్గర పని చేసే కారు డ్రైవర్‌ ఇళమ్ మురుగన్, మీనా దంపతులకు ఆ ఇంటిని అద్దెకు ఇచ్చాను. గత 12 ఏళ్లుగా వాళ్లు అద్దె చెల్లించకుండా అందులో జీవిస్తున్నారు. నమ్మకస్తుడు కావటంతో ఆమె కూడా ఇబ్బంది పెట్టలేదు. 
 
అయితే అద్దె చెల్లిస్తున్నట్లు నకిలీ పేపర్లు సృష్టించి ఆ ఇంటిని ఆక్రమించుకోవాలని ఇళమ్ కుట్ర పన్నాడు. ఈ క్రమంలో తనపై చేతబడి కూడా చేశాడని జయచిత్ర ఆరోపించారు. నమ్మకంగా ఉన్న వ్యక్తి మోసం చేయటంతో మనస్తాపానికి గురైన ఆమె కోర్టును ఆశ్రయించింది. 
 
ఈ న్యాయపోరాటంలో అద్దె డబ్బులో కొంత మేరకు రాబట్టినట్టు తెలిపింది. అలాగే, ఇళమ్‌ మురుగన్‌ను తక్షణమే ఖాళీ చేయాలని న్యాయస్థానం ఆదేశించినట్టు తెలిపారు. కోర్టు తీర్పు సంతోషంగా ఉందన్నారు. కాగా ఈ నెల 20వ తేదీలోగా ఇల్లు ఖాళీ చేయాలని కోర్టు ఇళమ్‌ మురుగన్‌కు గడువు ఇచ్చిందని, ఆలోగా ఇల్లు ఖాళీ చేయకుంటే  పోలీసుల సాయంతో తాళం బద్ధలు కొట్టి ఇంటిని స్వాధీనం చేసుకుంటానని జయచిత్ర వెల్లడించారు.