నవీన్ పోలిశెట్టికి దాదా సాహెబ్ ఫాల్కే అవార్డు

naveen polisetty
ఠాగూర్| Last Updated: శుక్రవారం, 1 జనవరి 2021 (16:40 IST)
'ఏజెంట్ శ్రీనివాస ఆత్రేయ' చిత్రంలో డిటెక్టివ్ పాత్రలో అద్భుతంగా రాణించిన నవీన్ పొలిశెట్టి దాదా సాహెబ్ ఫాల్కే దక్షిణాది అవార్డుల్లో ఉత్తమ నటుడిగా ఎంపికయ్యారు. దక్షిణాది సినీ రంగానికి సంబంధించి దాదా సాహెబ్ ఫాల్కే అవార్డులను శుక్రవారం ప్రకటించారు.

ఇక, సీనియర్ హీరో అక్కినేని నాగార్జునకు అత్యంత విలక్షణ నటుడు కేటగిరీలో అవార్డు లభించింది. ఉత్తమ చిత్రంగా నాని నటించిన జెర్సీ, ఉత్తమ నటిగా డియర్ కామ్రేడ్ చిత్రానికి గాను రష్మిక మందన్న, ఉత్తమ దర్శకుడిగా సుజీత్ (సాహో), బెస్ట్ మ్యూజిక్ డైరెక్టర్గా తమన్ అవార్డులకు ఎంపికయ్యారు.

ఈ దాదా సాహెబ్ ఫాల్కే దక్షిణాది అవార్డుల కార్యక్రమాన్ని ఫిబ్రవరి 20న ముంబై తాజ్ లాండ్స్ ఎండ్ హోటల్లో నిర్వహించనున్నారు. గతంలో ఈ అవార్డులను మహేశ్ బాబు, అనుష్క, కీర్తి సురేశ్ అందుకున్నారు.



దీనిపై మరింత చదవండి :