గురువారం, 28 మార్చి 2024
  1. వినోదం
  2. తెలుగు సినిమా
  3. కథనాలు
Written By ఠాగూర్
Last Updated : మంగళవారం, 21 జులై 2020 (18:02 IST)

పెళ్లిపిలుపు : తన అభిమాన హీరోకు ప్రత్యేక ఆహ్వాన పత్రిక

సాధారణంగా హీరోలకు అభిమానులు ఉంటారు. కానీ, ఒక హీరో మరో హీరోకు అభిమానిగా ఉండటం చాలా చాలా అరుదు. అలాంటి హీరోల్లో నితిన్ ఒకరు. ఈయన పవర్ స్టార్ పవన్ కళ్యాణ్ వీరాభిమాని. పవన్ అంటే.. ఓ సాధారణ అభిమానిలా అమితమైన పిచ్చి. అయితే, ఈ నెల 26వ తేదీన హీరో నితిన్ వివాహం జరుగనుంది. హైదరాబాద్ నగరంలోని ఓ లగ్జరీ హోటల్‌లో ఈ వివాహ మహోత్సవ కార్యక్రమం జరుగనుంది. 
 
ప్ర‌భుత్వ నియ‌మ నిబంధ‌న‌ల‌ను అనుస‌రిస్తూ ఈ వివాహ వేడుక‌ను నిర్వ‌హించ‌నున్నారు. ఈ వేడుక‌కు కేవ‌లం ఇరు కుటుంబాల‌వారు, స‌న్నిహిత మిత్రులను మాత్రమే ఆహ్వానిస్తున్నారు. అలాగే తన అభిమాన నటుడు పవర్‌స్టార్ పవన్‌ కల్యాణ్‌ను కూడా నితిన్ తన పెళ్లికి ప్రత్యేకంగా ఆహ్వానించాడట. పవన్‌తో పాటు డైరెక్టర్ త్రివిక్రమ్ శ్రీనివాస్, మెగా హీరో వరుణ్ తేజ్‌లకు కూడా ఇన్విటేషన్ అందిందట. 
 
కాగా, రెండు రోజుల క్రితం తెరాస అధినేత, తెలంగాణ రాష్ట్ర ముఖ్యమంత్రి కె.చంద్రశేఖర్ రావుకు కూడా నితిన్ ఆహ్వాన పత్రిక ఇచ్చారు. ప్రగతి భవన్‌లో సీఎం కేసీఆర్‌ను హీరో నితిన్ కలిసి తన వివాహానికి వచ్చి ఆశీర్వదించాల్సిందిగా ప్రత్యేకంగా కోరారు.