ప్రియాంకా చోప్రా అంటే పిచ్చ... అందుకే తలుపులు మూసి ఆ పని చేశాడు...
ఈమధ్య బాలీవుడ్... అనేకంటే హాలీవుడ్ నటి ప్రియాంకా చోప్రా వార్తల్లో నిలుస్తున్నారు. ఇప్పుడు మరోసారి తళుక్కున మెరిశారు. విషయం ఏంటయా అంటే... ఆమె తొడుక్కున్న రింగు ధర గురించి బాలీవుడ్ ఇండస్ట్రీలోని జనం మాట్లాడుకుంటున్నారు. ఆమె చేతికి వున్న ఉంగరం ధర అక్షరా
ఈమధ్య బాలీవుడ్... అనేకంటే హాలీవుడ్ నటి ప్రియాంకా చోప్రా వార్తల్లో నిలుస్తున్నారు. ఇప్పుడు మరోసారి తళుక్కున మెరిశారు. విషయం ఏంటయా అంటే... ఆమె తొడుక్కున్న రింగు ధర గురించి బాలీవుడ్ ఇండస్ట్రీలోని జనం మాట్లాడుకుంటున్నారు. ఆమె చేతికి వున్న ఉంగరం ధర అక్షరాలా కోటి రూపాయలు అని చెప్పుకుంటున్నారు. తన కంటే పదేళ్లు చిన్నవాడైన అమెరికన్ సింగర్ నిక్‌ను పెళ్లాడబోతున్న ఈ సుందరి తాజాగా ప్రముఖ ఫ్యాషన్‌ డిజైనర్‌ మనీశ్‌ మల్హోత్రా ఏర్పాటు చేసిన విందుకు వచ్చింది.
వచ్చింది వచ్చినట్లు వుండకుండా తన స్నేహితులు ఎక్కడ కనబడితే అక్కడకెళ్లి ఫోటోలకి ఫోజులిచ్చింది. ఆ ఫోజుల్లో కూడా తన వేలికి వున్న వుంగరం బాగా ఫోకస్ అయ్యేట్లు చేసింది. దీనితో అంతా ఆ ఉంగరం గురించే అడగడం మొదలుపెట్టారు. ప్రియాంకకు కావాల్సింది కూడా అదే కదా. దాంతో అసలు విషయం చెప్పిందట. అది తన ప్రియుడు, కాబోయే భర్త నిక్ పెట్టిన నిశ్చితార్థ ఉంగరమని వెల్లడించింది. ఆ ఉంగరంలో నాలుగు క్యారెట్ల వజ్రాలున్నట్లు తెలుస్తోంది.
అంతేకాదండోయ్ ఈ ఉంగరాన్ని సెలెక్ట్ చేసేందుకు నిక్... లండన్ లోని ఓ ప్రముఖ వజ్రాల దుకాణంలోకి వెళ్లి, షాపులోకి ఎవర్నీ రానీయకుండా తలుపులు మూసేశాడట. ఎవ్వరూ రాకుండా అతనొక్కడే తీరిగ్గా కూర్చుని తనకు నచ్చిన ఉంగరాన్ని సెలెక్ట్ చేశాడట. ప్రియాంకా చోప్రా అంటే అతడికి ఎంతో ప్రేమ... పిచ్చి అని అది తెలిసిన వారు చెప్పుకుంటున్నారు. కాగా ఆగస్టు 18న బాలీవుడ్ ప్రముఖులకు గ్రాండ్ పార్టీ ఇచ్చేందుకు ఈ బ్యూటీ సిద్ధమయ్యిందని చెప్పుకుంటున్నారు.
