Rakul Singh IT raids :ఐటీ సోదాలపై తప్పుడు వార్తలను ఖండించిన రకుల్ ప్రీత్ సింగ్‌
Rakul Preet Singh letter post
“వాస్తవాలను నిర్ధారించుకోకుండా వార్తలను సంచలనంగా ప్రచారం చేసే ధోరణి పెరుగుతోంది. ఈ విషయం గురించి ఒకసారి స్పష్టత ఇవ్వాలనుకుంటున్నాను. ఆదాయపు పన్ను శాఖ చేసిన సోదాలు నాకు సంబంధించినవి కావు.
నేను ఆర్మీ కుటుంబం నుంచి వచ్చాను. సినీ పరిశ్రమలో నాకు ఎలాంటి గాడ్‌ఫాదర్‌ లేరు. నా కష్టంతోనే ఈ స్థాయికి వచ్చాను. 20 ఏళ్ల వయసు నుంచే బాధ్యత కలిగిన పౌరురాలిగా నా పన్నులను సక్రమంగా చెల్లిస్తున్నాను.
నా వ్యక్తిగత హోదాలో గానీ, ఏదైనా నిర్మాణ సంస్థ తరఫున గానీ ఎలాంటి అక్రమ విదేశీ నగదు బదిలీలతో నాకు సంబంధం లేదు. దేశంలో లేదా విదేశాల్లో ఎవరి పేరుతోనూ బినామీ ఆస్తులు నాకు లేవు. అలాగే ఎవరూ నాకు ఎప్పుడూ విలువైన ఆస్తులను బహుమతిగా ఇవ్వలేదు. అలాంటి ఖరీదైన బహుమతులను స్వీకరించకూడదనేది నా సూత్రం.
నా గురించి తప్పుడు, హానికరమైన, ఊహాజనిత వార్తలు ప్రచురించిన వారు వాటిని వెనక్కి తీసుకుని వాస్తవాలను స్పష్టం చేయాలని కోరుతున్నాను.
మీడియా సంస్థలకు వాణిజ్యపరమైన ఒత్తిళ్లు ఉంటాయని నేను అర్థం చేసుకోగలను. అయితే ఆ ఒత్తిళ్లు వాస్తవాలపై ప్రభావం చూపకూడదు. ముఖ్యంగా ఒక వ్యక్తి ప్రతిష్ఠ, వృత్తి జీవితానికి నష్టం కలిగించేలా ఉండకూడదు” అని రకుల్ పేర్కొన్నారు.
తాను చట్టపరమైన, ఆర్థిక బాధ్యతలను ఎప్పటికప్పుడు పాటిస్తూ బాధ్యతాయుతమైన పన్ను చెల్లింపుదారుగా ఉన్నానని రకుల్ ప్రీత్ సింగ్‌ స్పష్టం చేశారు. ఇటీవలి ఐటీ సోదాలకు సంబంధించి తనపై వచ్చిన వార్తల్లో వాస్తవాలు లేవని చెబుతూ తన వైఖరిని స్పష్టం చేశారు.
