ఎన్టీఆర్ జయంతి.. తారక్ భావోద్వేగ ట్వీట్.. గుండె తల్లడిల్లిపోతోంది..
తెలుగుదేశం పార్టీ వ్యవస్థాపకుడు, మాజీ ముఖ్యమంత్రి నందమూరి తారక రామారావు జయంతిని పురస్కరించుకుని... తారక్ భావోద్వేగ ట్వీట్ చేశారు. ఆయనతో తమ తీపి గురుతులను గుర్తు చేసుకుంటూ ఆయన వారసులు ఉద్వేగానికి గురవుతున్నారు. ఆయన సమాధి వద్ద శ్రద్దాంజలి ఘటిస్తున్నారు. ఈ క్రమంలో ఎన్టీఆర్ మనవడు, దివంగత హరికృష్ణ జూనియర్ ఎన్టీఆర్ ఈ సందర్భంగా బాగా ఎమోషనల్ అయ్యాడు.
ఎన్టీయార్ జయంతి సందర్భంగా తాతకు నివాళులర్పించిన ఎన్టీయార్ ట్విట్టర్ ద్వారా తన ఫీలింగ్స్‌ను షేర్ చేసుకున్నాడు. ''మీ పాదం మోపక తెలుగు ధరిత్రి చిన్నబోతోంది, మీ రూపు కానక తెలుగు గుండె తల్లడిల్లిపోతోంది, పెద్ద మనసుతో ఈ ధరిత్రిని, ఈ గుండెను మరొక్కసారి తాకిపో తాతా.. సదా మీ ప్రేమకు బానిసను'' అంటూ ఎన్టీయార్ ఫొటోను పోస్ట్ చేశాడు.
''మీరు లేని లోటు తీరనిది..'' అని పేర్కొన్నాడు. తాత ఫోటో దగ్గర తానున్న ఫోటోను షేర్ చేశాడు. ఈ మధ్యే పుట్టినరోజు జరుపుకున్న ఎన్టీఆర్‌కు మిలియన్ల కొద్దీ బర్త్ డే విషెస్ ట్వీట్లు వెల్లువెత్తాయి. ప్రస్తుతం రాజమౌళి నిర్మిస్తున్న ఆర్ఆర్ఆర్ మూవీలో కొమురం భీంగా తారక్ నటిస్తున్నారు.
