టాలీవుడ్‌లో పెళ్లి బాజాలు.. నిక్కీ గల్రానీతో ఆదిపినిశెట్టి పెళ్లి?!

aadi - nikki
aadi - nikki
సెల్వి| Last Updated: శనివారం, 1 ఆగస్టు 2020 (17:05 IST)
టాలీవుడ్‌లో పెళ్లి బాజాలు మోగుతున్నాయి. వరుసగా హీరోలు వివాహాలు చేసుకుంటున్నారు. కరోనా కాలం ప్రస్తుతం ఇంటిపట్టునే వుండటంతో వివాహంతో హీరోలు ఓ ఇంటివారు అవుతున్నారు. ఈ క్రమంలో ఇప్పటికే నిఖిల్, నితిన్ పెళ్ళిళ్ళు అయిపోయాయి. ఇక దగ్గుబాటి వారి వారసుడు భళ్ళాలదేవుడు రానా పెళ్ళికి రెడీ అయ్యాడు. మిహికా బజాజ్ తో త్వరలో పెళ్లి జరగబోతోంది.

తాజాగా మరో హీరో పెళ్లికొడుకు కాబోతున్నాడనే వార్త హల్ చల్ చేస్తోంది. రవిరాజా పినిశెట్టి కుమారుడిగా ఎంట్రీ ఇచ్చి నటుడిగా తనకంటూ ప్రత్యేక గుర్తింపు తెచ్చుకున్నాడు ఆదిపినిశెట్టి. హీరో, విలన్, క్యారెక్టర్ ఆర్టిస్ట్ ఇలా ఏదైనా సరే ఆది ఓకే చెప్పేస్తాడు. రంగస్థలం చిత్రంలో అశోక్ బాబుగా ఇండస్ట్రీని ఫిదా చేశాడు.

అంతకు ముందు 'నిన్ను కోరి' సినిమాలో సపోర్టింగ్ రోల్ చేసి నానితో పాటు క్రేజ్ సంపాదించాడు. ప్రస్తుతం ఇతడి వివాహం నెట్టింట వైరల్ అవుతోంది. ఆది పినిశెట్టి హీరోయిన్ నిక్కీ గల్రానీని వివాహం చేసుకునేందుకు రెడీ అవుతున్నాడని టాక్ వస్తోంది.

ఆది తండ్రి రవిరాజా ఇటీవల నిర్వహించిన బర్త్ డే వేడుకల్లో వారి ఫ్యామిలీ ఫొటోలో నిక్కీ కనిపించింది. దీంతో ఈ వార్తలకు మరింత బలం చేకూరింది. కరోనా పరిస్థితులు చక్కబడిన తర్వాత వీరిద్దరి వివాహం జరుగనుందని సమాచారం. వీరిద్దరూ మలుపు, మరకతమణి చిత్రాల్లో కలిసి నటించారు. అయితే ప్రస్తుతం దీనికి సంబంధించి ఆది, నిక్కీ గల్రానీ నుంచి ఎలాంటి ప్రకటన రాలేదు.



దీనిపై మరింత చదవండి :