శనివారం, 24 ఫిబ్రవరి 2024
  1. వార్తలు
  2. తెలుగు వార్తలు
  3. క్రైం న్యూస్
Written By జె
Last Modified: ఆదివారం, 24 అక్టోబరు 2021 (21:51 IST)

నా కోర్కె తీర్చు, నీకు కావాల్సినంత ఇస్తా - ఏలూరు సబ్ రిజిస్ట్రార్ కార్యాలయంలో...

ప్రభుత్వ ఉద్యోగం చేస్తున్న వ్యక్తులు వారు. పదిమందికి మంచి చెప్పాల్సిన వారే చెడు మార్గం వైపు అడుగులు వేశారు. ఒక మహిళ ఉద్యోగినిని లైంగికంగా వేధించడం మొదలెట్టాడు. ఉన్నతాధికారులు మందలించినా వినిపించుకోలేదు. సబ్ రిజిస్టర్ కార్యాలయాన్ని వేదికగా చేసుకొని లైంగిక వేధింపులకు పాల్పడ్డాడు. 

 
ఏలూరు సబ్ రిజిస్టర్ కార్యాలయంలో వ్యవహారం బయటపడింది. సబ్ రిజిస్టార్ కార్యాలయంలో ఆడిట్ సెక్షన్లో అటెండర్‌గా పనిచేస్తున్న వివాహిత దిశా పోలీసులను ఆశ్రయించింది. తనతో పాటు పనిచేసే ఉద్యోగి లైంగికంగా వేధిస్తున్నాడని.. కోర్కె తీర్చాలంటూ వెంటపడుతున్నాడని ఉన్నతాధికారులకు ఫిర్యాదు చేసింది. తమతో పాటు పనిచేసే ఉద్యోగి మారుతాడని ఉన్నతాధికారులు భావించారు.

 
అయితే అతనిలో మార్పు రాలేదు. సబ్ రిజిస్టర్ కార్యాలయాన్ని వేదికగా చేసుకుని ఆమెను వేధింపులకు గురి చేయడం మొదలుపెట్టాడు. వారం రోజుల నుంచి వివాహితను ఇబ్బందులకు గురి చేశాడు. ఇక కామంధుడి వేధింపులు భరించలేని ఆ వివాహిత దిశ పోలీసులను ఆశ్రయించింది. ప్రస్తుతం నిందితుడు పరారీలో ఉన్నాడు. నిందితుడి కోసం పోలీసులు గాలిస్తున్నారు.