సంబంధిత వార్తలు
నాన్నకు సీటు రాకపోయినా పర్లేదు.. బాబాయ్ కోసం మెగా హీరో
పవన్ కళ్యాణ్ అన్నయ్య కొణిదెల నాగబాబు జనసేన తరుపున అనకాపల్లి ఎంపీ టికెట్ వస్తుందని చాలా ఆశలు పెట్టుకున్నారు. కానీ ఈసారి ఆశించిన టికెట్ రానప్పటికీ జేఎస్పీలో క్రియాశీలకంగా ఉంటానని నాగబాబు శపథం చేశారు.
తాజాగా వరుణ్ తేజ్ పిఠాపురంలో తన బాబాయ్ పవన్ కళ్యాణ్ కోసం ప్రచారం చేయడానికి వస్తున్నారు. ఏప్రిల్ 27 మధ్యాహ్నం 3 గంటల నుంచి పిఠాపురంలో పవన్కు మద్దతుగా ప్రచారం ప్రారంభించనున్నట్లు సమాచారం. ఇందుకు సంబంధించిన రూట్ మ్యాప్ను కూడా విడుదల చేశారు.
2019లో నర్సాపురం పార్లమెంట్ నియోజకవర్గం నుంచి నాగబాబు పోటీ చేసినప్పుడు వరుణ్ తేజ్ తన సోదరి నిహారికతో కలిసి నాగబాబుకు మద్దతుగా నిలిచారు. వారు అప్పట్లో నాగబాబు, జేఎస్పీల కోసం విస్తృతంగా ప్రచారం చేశారు.
అయితే ఈసారి నాగబాబుకు టిక్కెట్టు రాకపోయినా వరుణ్ తేజ్ తన బాబాయ్ అయిన పవన్ కళ్యాణ్కు మద్దతుగా నిలుస్తున్నాడు. పార్టీకి అవసరమైతే పవన్ కోసం ప్రచారం చేయడానికి తాను కూడా సిద్ధంగా ఉన్నానని నిహారిక కూడా వెల్లడించిన సంగతి తెలిసిందే.
