శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. తెలుగు వార్తలు
Written By జె
Last Modified: సోమవారం, 8 జులై 2019 (18:46 IST)

కన్నకూతురిని గర్భవతి చేసిన తండ్రి...

సభ్యసమాజం తలదించుకునే సంఘటన ఇది. కన్న కుమార్తెను కంటికి రెప్పలా కాపాడాల్సిన తండ్రే ఆమెను కాటేశాడు. భయపెట్టి నాలుగునెలల పాటు అత్యాచారం చేశాడు. భార్యకు తెలియకుండా కుమార్తెపై ఈ ఘాతుకానికి పాల్పడడంతో ఆమె గర్భవతి అయ్యింది. అస్సలు విషయం తెలుసుకుని తల్లి నిర్ఘాంతపోయింది. పోలీసులను ఆశ్రయించింది.
 
పశ్చిమ గోదావరిజిల్లా బుట్టాయగూడెంలో చెందిన నాగరాజు, మల్లికలు నివాసముంటున్నారు. వీరికి 15 యేళ్ల కుమార్తె ఉంది. విద్యాభ్యాసం లేకుండా ఇంటిలో యువతి ఉండేది. నాగరాజుతో పాటు మల్లికలు ఇద్దరూ కూలి పనిచేసుకుంటూ జీవనం సాగిస్తుండేవారు. వేర్వేరుగా ఇద్దరూ పనులకు వెళ్ళేవారు. అయితే గత నాలుగు నెలల నుంచి భార్య కూలి పనికి వెళ్ళిన వెంటనే నాగరాజు వెళ్ళకుండా ఇంటి పట్టునే ఉండేవాడు.
 
ఈ క్రమంలో కుమార్తెపై కన్నువేశాడు. తన కోర్కె తీర్చకపోతే చంపేస్తానని బెదిరించి ఆమెపై అత్యాచారానికి పాల్పడ్డాడు. ఇలా నాలుగు నెలల పాటు ఈ కామాంధుడు తన కుమార్తెతో లైంగిక వాంఛ తీర్చుకున్నాడు. దానితో కుమార్తె వాంతులు చేసుకుంటూ ఉండగా తల్లి మల్లిక ఆసుపత్రికి తీసుకెళ్ళింది. యువతి గర్భం దాల్చిందని వైద్యులు చెప్పడంతో నిర్ఘాంతపోయింది. యువతిని నిలదీస్తే అసలు విషయం చెప్పింది. దీంతో నేరుగా పోలీస్టేషన్‌కు వెళ్ళి ఫిర్యాదు చేసింది. ప్రస్తుతం నిందితుడు పరారీలో ఉన్నాడు.