నిజంగా పవన్ కళ్యాణ్ ఎవరో నాకు తెలియదు... అశోక్ గజపతి రాజు
మెగాస్టార్ చిరంజీవిగానీ, ఆయన తండ్రిగానీ తనకు బాగా తెలుసని కేంద్ర మాజీ మంత్రి, టీడీపీ సీనియర్ నేత అశోకగజపతి రాజు అన్నారు. ఆయన మరోమారు జనసేన పార్టీ అధినేత పవన్ కళ్యాణ్‌ను ఉద్దేశించి ఈ వ్యాఖ్యలు చేశారు. తనకు నిజంగానే పవన్ కళ్యాణ్ ఎవరో తెలియదన్నారు.
తెలుగుదేశం పార్టీ నుంచి పవన్ కళ్యాణ్ దూరమైన తర్వాత టీడీపీ నేతలు పవన్‌ను లక్ష్యంగా చేసుకుని విమర్శలు గుప్పిస్తున్న విషయం తెల్సిందే. అలాంటి వారిలో ఎంతో సౌమ్యుడుగా గుర్తింపు పొందిన అశోకగజపతి రాజు కూడా తనకు పవన్ ఎవరో తెలియదంటూ వ్యాఖ్యానించడం ఇపుడు చర్చనీయాంశంగా మారింది.
అదేసమయంలో చిరంజీవితోపాటు వారి నాన్నగారు కూడా తనకు తెలుసని చెప్పారు. తాను రాష్ట్ర ఎక్సైజ్ శాఖామంత్రిగా ఉన్న సమయంలో బదిలీ కోసం వస్తే తాను పని చేసిపెట్టినట్టు చెప్పారు. అంతేగానీ, పవన్ కళ్యాణ్ ఎవరో తనకు తెలియదని ఆయన స్పష్టంచేశారు.
