అన్నా అని పిలుచుకునేవారే హంతకులకు కొమ్ము కాస్తున్నారు : వైఎస్ షర్మిల
తాము అన్నా అని పిలుచుకునేవారే హంతకులకు కొమ్ము కాస్తున్నారని ఏపీ పీసీసీ చీఫ్ వైఎస్. షర్మిల ఆరోపంచారు. వైఎస్ వివేకానంద రెడ్డి ఐదే వర్థఁ వేడుకలను పురస్కరించుకుని శుక్రవారం కడపల సంస్మరణ సభ జరిగింది. ఇందులో ఏపీ పీసీసీ చీఫ్ షర్మిల, వివేకా కుమార్తె సునీతా, టీడీపీ నేత బీటెక్ రవి, బీజేపీ నేత ఆదినారాయణ రెడ్డి, కాంగ్రెస్ నేత తులసి రెడ్డిలు పాల్గొని నివాళులు అర్పించారు. ఈ సందర్భంగా షర్మిల తీవ్ర భావోద్వేగంతో మాట్లాడారారు. మా నాన్న వైఎస్ఆర్ తర్వాత నాన్న అంతటి వాడు మా చిన్నాన్న వైఎస్ వివేకానంద రెడ్డి అన్నారు. ఆయనను అత్యంత కిరాతకంగా హత్య చేసి ఐదేళ్లు గడుస్తోందన్నారు. బాబాయ్ శరీరంపై ఎన్నో గొడ్డలి పోట్లు ఉన్నాయని, దారుణంగా హతమార్చారని ఆవేదన వ్యక్తం చేశారు. హత్య జరిగి ఐదేళ్లు పూర్తవుతున్నా ఇంతవరకు హంతకులకు శిక్ష పడలేదని అన్నారు. చిన్నాన్న మరణంతో చిన్నమ్మ, సునీత అందరి కంటే ఎక్కువ నష్టపోయారని చెప్పారు.
న్యాయం కోసం పోరాడుతున్న సునీతను టార్గెట్ చేసి ఎంతో వేధించారని షర్మిల మండిపడ్డారు. బాధితులకు భరోసా ఇవ్వాలన్న ఆలోచన లేకపోగా వారిపైనే ఆరోపణలు చేస్తారా? అని ప్రశ్నించారు. అన్నా అని పిలిపించుకున్న వారే హంతకులను రక్షిస్తున్నారని విమర్శించారు. బంధువులే హత్య చేశారని అన్ని సాక్ష్యాలు వేలెత్తి చూపుతున్నాయని తెలిపారు. హత్య చేసిన వారికి, చేయించిన వారికి ఇంత వరకు శిక్షపడలేదని చెప్పారు. హత్యకు గురైన చివరి క్షణం వరకు బాబాయ్ వైసీపీ కోసమే పని చేశారని అన్నారు. జగనన్న ఇంతగా దిగజారుతాడని అనుకోలేదని చెప్పారు. సాక్షిలో పైన వైఎస్ ఫొటో ఉంటుందని... కింద వైఎస్ తమ్ముడి వ్యక్తిత్వ హననం ఉంటుందని మండిపడ్డారు.
అద్దం ముందు నిలబడి మీ మనస్సాక్షి ఏం చెపుతోందో వినాలని షర్మిల సూచించారు. తన తోబుట్టువుల కోసం వైఎస్ ఏం చేశాడో మీకు తెలియదా? అని ప్రశ్నించారు. వైఎస్ వారసుడిగా తోబుట్టువుల కోసం మీరు ఏం చేశారని జగన్‌ను నిలదీశారు. ఐదేళ్లయినా చిన్నాన్న ఆత్మకు శాంతి కలగలేదని చెప్పారు. సునీత, తాను చిన్నప్పటి నుంచి కలిసి పెరిగామని, కలిసి చదువుకున్నామని షర్మిల తెలిపారు. న్యాయం కోసం పోరాడుతున్న సునీతకు తాను అండగా ఉంటానని చెప్పారు. రాజకీయాల కోసమో, అధికారం కోసమో తాను ఈ వ్యాఖ్యలు చేయడం లేదని... వివేకా హంతకులకు శిక్ష పదాలన్నదే తన అంతిమ లక్ష్యమన్నారు.
