శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. తెలుగు వార్తలు
Written By ఎం
Last Updated : సోమవారం, 15 జులై 2019 (12:20 IST)

చంద్రబాబుకే బాణాన్ని గురిపెట్టిన కేశినేని నాని...

నిన్నామొన్నటివరకు తనతో సమానమైన నేతలపై ట్వీట్ల రూపంలో విమర్శనాస్త్రాలు సంధిస్తూ వచ్చిన టీడీపీ విజయవాడ ఎంపీ కేశినేని నాని ఇపుడు ఏకంగా పార్టీ అధినేత నారా చంద్రబాబు నాయుడిని లక్ష్యంగా చేసుకుని విమర్శలు గుప్పిస్తున్నారు. 
 
తాను రాజీనామా చేయడానికి సిద్ధంగా ఉన్నట్లు ఆయన తెలిపారు. "చంద్రబాబు గారూ... నా లాంటివాళ్లు పార్టీలో ఉండకూడదని మీరు అనుకుంటే.. పార్లమెంటు సభ్యత్వానికి, పార్టీ సభ్యత్వానికి ఎలా రాజీనామా చేయాలో చెప్పండి" అంటూ ఆయన ట్వీట్ చేశారు. తనలాంటివాళ్లు పార్టీలో కొనసాగాలనుకుంటే మీ పెంపుడు కుక్కలను నియంత్రంచిండని ఆయన చంద్రబాబుకు సూచించారు. 
 
చాలాకాలంగా కేశినేని నిరసన గళం వినిపిస్తున్న విషయం తెలిసిందే. ఇందులోభాగంగా, పార్టీ ఎమ్మెల్సీ బుద్ధా వెంకన్నపై ఆయన తీవ్రస్థాయిలో విమర్శలు చేస్తూ వచ్చారు. దీంతో నాని - బుద్ధా వెంకన్నల మధ్య తీవ్రస్థాయిలో ట్వీట్ల వార్ జరుగుతున్న విషయం తెల్సిందే.