శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. తెలుగు వార్తలు
Written By వాసు
Last Updated : శుక్రవారం, 5 జులై 2019 (14:49 IST)

మైనర్ బాలికతో ఉపాధ్యాయుడి బాల్య వివాహం

చిన్నారులకు, విద్యార్థులకు విద్యాబుద్ధులు నేర్పాల్సిన ఉపాధ్యాయుడు దారి తప్పిన ఒక తప్పు చేసి, ఆ తప్పుని దిద్దుకునే కార్యక్రమంలో భాగంగా మరో తప్పుని కూడా చేసేసారు.
 
వివరాలలోకి వెళ్తే... తూర్పుగోదావరి జిల్లా వై.రామవరం మండలం దాలిపాడులోని స్థానిక గిరిజన బాలికోన్నత ఆశ్రమ పాఠశాలలో 8వ తరగతి చదువుతున్న ఓ మైనర్ బాలికను ఆ పాఠశాలలో పని చేస్తూ, వార్డెన్‌గా  కూడా విధులు నిర్వహిస్తున్న బెలెం చినబ్బాయి అనే ఉపాధ్యాయుడు రహస్య వివాహం చేసుకున్నాడు. కాగా... సదరు విద్యార్థినిని చినబ్బాయి... మాయమాటలతో లోబరుచుకుని ఏడాది కాలంగా ఆమెతో సంబంధాన్ని కొనసాగిస్తూ వచ్చాడు. 
 
ఈ విషయం కాస్తా విద్యార్థిని తల్లిదండ్రులకు తెలిసిపోయి... చినబ్బాయిని నిలదీయడంతోపాటు విషయాన్ని గ్రామ పెద్దల దృష్టికి తీసుకెళ్లారు. దీంతో, చినబ్బాయి పెద్దల సమక్షంలో బాలికను రహస్యంగా పెళ్లి చేసుకున్నాడు. మరి మైనర్ బాలికతో ఈ ఉపాధ్యాయుడిగారి వివాహానికి అధికారులు ఏం బహుమతి ఇవ్వనున్నారో తెలియాల్సి ఉంది.