కొవ్వును కరిగించడమే కాదు.. కంటికి మేలు చేసే ఉల్లికాడలు..
కంప్యూటర్ల ముందు గంటలు గంటలు కూర్చుంటున్నారా? బరువు పెరిగిపోయారా? కంటి దృష్టి సమస్యలు తప్పట్లేదా? అయితే ఇక ఆలోచించకుండా.. రోజూ కప్పు ఉల్లికాడలను ఆహారంలో చేర్చుకోండి అంటున్నారు.. ఆయుర్వేద నిపుణులు. ఎంద
కంప్యూటర్ల ముందు గంటలు గంటలు కూర్చుంటున్నారా? బరువు పెరిగిపోయారా? కంటి దృష్టి సమస్యలు తప్పట్లేదా? అయితే ఇక ఆలోచించకుండా.. రోజూ కప్పు ఉల్లికాడలను ఆహారంలో చేర్చుకోండి అంటున్నారు.. ఆయుర్వేద నిపుణులు. ఎందుకంటే..? ఉల్లికాడల్లో వ్యాధినిరోధక శక్తి పుష్కలంగా వుంది. ఇందులోని ఆమ్లాలు, విటమిన్ సి, కార్బొహైడ్రేట్ వంటి పోషకాలు జలుబు, దగ్గు వంటి అనారోగ్య సమస్యలతో పాటు క్యాన్సర్ వంటి ప్రాణాంతక వ్యాధుల నుంచి మనల్ని కాపాడుతాయి.
అంతేగాకుండా శరీరంలోని కొవ్వును కరిగించే ఔషధ గుణాలు ఉల్లికాడల్లో వున్నాయి. ఇందులోని లో-కెలోరీలు, విటమిన్ బి2, థయామివ్ వంటివి కంటికి మేలు చేస్తాయి. దృష్టి లోపాలను దూరం చేస్తాయి. గుండె ఆరోగ్యానికి తోడ్పడుతాయి. ఇంకా ఉల్లికాడల్లో రక్తపోటు నియంత్రించే గుణాలున్నాయి. ఇందులోని క్రోమియం డయాబెటిస్‌ను నియంత్రిస్తుంది. ఇది రక్తంలోని షుగర్ లెవల్స్‌ను తగ్గిస్తుంది.
యాంటీ-బయోటిక్‌గా పనిచేయడంతో పాటు అజీర్తిని ఉల్లికాడలు నయం చేస్తాయి. రక్తప్రసరణను మెరుగుపరుస్తుంది. ఫంగల్ ఇన్ఫెక్షన్లను దూరం చేస్తుంది. చర్మాన్ని సంరక్షిస్తుందని ఆయుర్వేద నిపుణులు చెప్తున్నారు.
