అన్నీ ఫార్మాట్‌లకు బైబై చెప్పేసిన శిఖర్ ధావన్.. ఆ శాంతితో వెళ్తున్నా...

టీమిండియా స్టార్ ఓపెనర్ శిఖర్ ధావన్ అన్ని రకాల క్రికెట్ నుండి రిటైర్మెంట్ ప్రకటించాడు. 38 ఏళ్ల అతను 2010లో విశాఖపట్నంలో ఆస్ట్రేలియాతో జరిగిన వన్డేలో అంతర్జాతీయ అరంగేట్రం చేశాడు. చివరిగా 2022లో బంగ్లాదేశ్‌తో వన్డేలో ఆడాడు.

ఈ సందర్భంగా శిఖర్ ధావన్ ఎమోషనల్ నోట్ రాశాడు. "నేను నా క్రికెట్ ప్రయాణంలో ఈ అధ్యాయాన్ని ముగించినప్పుడు, నేను నాతో లెక్కలేనన్ని జ్ఞాపకాలను, కృతజ్ఞతను కలిగి ఉన్నాను. ప్రేమ, మద్దతు కోసం ధన్యవాదాలు! జై హింద్!'' అని ఎక్స్‌లో పోస్ట్ చేశాడు.

"జీవితంలో ముందుకు సాగడానికి పేజీని తిప్పడం చాలా ముఖ్యం. అందుకే అంతర్జాతీయ, దేశీయ క్రికెట్‌కు రిటైర్మెంట్ ప్రకటిస్తున్నాను. నా క్రికెట్ ప్రయాణానికి వీడ్కోలు పలుకుతున్నప్పుడు, నేను చాలా కాలం ఆడిన నా హృదయంలో శాంతి ఉంది" అని చెప్పాడు. 

ధావన్ భారతదేశం తరపున 34 టెస్టులు, 167 వన్డేలు, 68 టీ20లలో కనిపించాడు. అత్యుత్తమ 50 ఓవర్ల ఫార్మాట్‌లో అతను 44.11 సగటుతో 6,793 పరుగులు చేశాడు. ఇందులో 17 సెంచరీలు, 39 అర్ధసెంచరీలు ఉన్నాయి. ఇంకా శిఖర్ ధావన్ 2,315 టెస్ట్ పరుగులకు 40.61 సగటును కలిగి ఉన్నాడు. ఇందులో ఏడు సెంచరీలు ఉన్నాయి.

As I close this chapter of my cricketing journey, I carry with me countless memories and gratitude. Thank you for the love and support! Jai Hind! ???????? pic.twitter.com/QKxRH55Lgx

— Shikhar Dhawan (@SDhawan25) August 24, 2024