1. ఇతరాలు
  2. ఆరోగ్యం
  3. కథనాలు
  4. Health Benefits of Sunflower Seeds

థైరాయిడ్, మధుమేహాన్ని నియంత్రించే సన్‌ఫ్లవర్ ఆయిల్

పొద్దు తిరుగుడు నూనె, అదేనండి సన్ ఫ్లవర్ ఆయిల్‌ ఆరోగ్యానికి ఎంతో మేలు చేస్తుంది. సలాడ్లూ కూరలూ బ్రెడ్డూ కేకుల్లో సన్‌ఫ్లవర్ గింజల పొడిని చల్లుకోవడం లేదా విడిగా కాస్త వేయించుకుని స్నాక్స్‌ రూపంలో తీసుక

Health
పొద్దు తిరుగుడు నూనె, అదేనండి సన్ ఫ్లవర్ ఆయిల్‌ ఆరోగ్యానికి ఎంతో మేలు చేస్తుంది. సలాడ్లూ కూరలూ బ్రెడ్డూ కేకుల్లో సన్‌ఫ్లవర్ గింజల పొడిని చల్లుకోవడం లేదా విడిగా కాస్త వేయించుకుని స్నాక్స్‌ రూపంలో తీసుకోవడం మంచిది. ఇలా చేయడం ద్వారా అనారోగ్య సమస్యలను దూరం చేసుకోవచ్చు. ఇందులో పాంటోథెనిక్‌ ఆమ్లం శాతం ఎక్కువ వుండటం ద్వారా జీవక్రియా వేగం పెరుగుతుంది. హర్మోన్ల సమతౌల్యానికీ మెదడు పనితీరుకీ తోడ్పడుతుంది. 
 
ఇక ఈ గింజలు ఇన్సులిన్‌ నిరోధానికి సాయపడుతూ మధుమేహం రాకుండా అడ్డుకుంటాయి. పొద్దుతిరుగుడు గింజలు థైరాయిడ్‌ను దరిచేరనివ్వదు. ఇంకా పొద్దుతిరుగుడు గింజలు ఆక్సీకరణ ఒత్తిడిని తగ్గించడం ద్వారా హానికర ఫ్రీరాడికల్స్‌ విడుదలను అడ్డుకుంటాయి. తద్వారా క్యాన్సర్, హృద్రోగాలకు దూరం చేసుకోవచ్చు. పొద్దు తిరుగుడు గింజలు, నూనెల ద్వారా శిరోజాల పెరుగుదలకు తోడ్పడుతాయి. 
 
అలాగే పొద్దు తిరుగుడు గింజలను దీని ఆకురసంతో నూరి ముద్దగా చేసి మూడు రోజులు వరుసగా నుదుటి మీద పట్టివేస్తే మైగ్రేన్‌ తగ్గుతుంది. పొద్దు తిరుగుడు వేరుకు సమానంగా, వెల్లుల్లి కలిపి, ముద్దగా నూరి, కంఠానికి పట్టీగా కట్టుకడితే గాయిటర్‌ తగ్గుతుంది.
 
పొద్దు తిరుగుడు గింజల చూర్ణానికి సమానంగా, చక్కెర పొడి కలిపి ఐదు గ్రాముల మోతాదులో రోజుకు రెండు పూటలా సేవిస్తే, అర్శమొలలు తగ్గుతాయి. మూడు గ్రాముల గింజల చూర్ణాన్ని రెండు పూటలా సేవిస్తే కడుపులోని నులిపురుగులు నశిస్తాయని ఆయుర్వేదం చెప్తోంది.  
About Writer
pnr
ఠాగూర్ పులపాక ప్రముఖ దినపత్రిక ఈనాడు, చెన్నై కార్యాలయంలో 'న్యూస్ కాంట్రిబ్యూటర్‌'గా జర్నలిజం ఓనమాలు నేర్చుకున్నారు. హైదరాబాద్ కార్యాలయంలో 'ఆంధ్రజ్యోతి' సబ్-ఎడిటర్ పని చేశారు. 2007 నుంచి 'వెబ్ దునియా'లో అసిస్టెంట్ ఎడిటర్‌‌గా విధులు నిర్వహిస్తున్నారు..... మరింత చదవండి
తర్వాతి కథనం
ఆత్మహత్యలను ప్రేరేపిస్తున్న స్మార్ట్ ఫోన్లు..