గ్యాస్ సమస్యతో బాధపడేవారు ఈ చిట్కాలు పాటిస్తే...
చాలామంది గ్యాస్ సమస్యతో బాధపడుతుంటారు. కడుపు ఉబ్బ‌రం, ఛాతి నొప్పి తదితర సమస్యలు గ్యాస్ సమస్యతోనే వస్తుంటాయి. ఇలాంటి వారు మన వంటింట్లో అందుబాటులో ఉండేవాటితోనే ఈ సమస్య నుంచి బయటపడొచ్చు. గ్యాస్ సమస్య రావడానికి ప్రధాన కారణం వేళకు ఆహారం తీసుకోకపోవడం.
మలబద్దకం, పేగుల్లో సమస్య, మధుమేహం, కడుపులో అల్సర్లు, మితిమీరిన ఉపవాసాలు, అతిగా మద్యం సేవించడం వల్ల ఈ సమస్యలు వస్తుంటాయి. గ్లాసు గోరువెచ్చని పాలలో దాల్చిన చెక్క, తేనేలను ఒక టీ స్పూన్ మోతాదులో కలుపుకుని తాగితే ఈ సమస్య నుంచి విముక్తిపొందవచ్చు.
పుదీనా ఆకులను వేడినీటిలో మరగించి, ఒక టీ స్పూన్ తేనె కలుపుకుని తాగినట్టయితే గ్యాస్ సమస్య తగ్గిపోతుంది. భోజనం చేసిన తర్వాత 2 టీ స్పూన్ల వాములో కొద్దిగా ఉప్పు కలిపి తీసుకున్నట్టయితే గ్యాస్ సమస్యకు తక్షణ ఉపశమనం లభిస్తుంది. జీలకర్ర లేదా వామును వేడి నీటిలో మరగించి అనంతరం వడకట్టి ఆ నీటిని తాగినట్టయితే గ్యాస్ సమస్య నుంచి విముక్తి పొందవచ్చు.
