తొలకరి జల్లులు మొదలు... అలెర్జీలు వచ్చేస్తాయ్... ఏంటివి? ఎదుర్కొనేదెలా?
తొలకరి చినుకులు మొదలయ్యాయి. బండలు పగిలే ఎండల నుంచి చినుకులతో భూమి ఒక్కసారిగా చల్లబడిపోయింది. ఇలా వాన చిలుకులతోపాటు ఆ వెంటనే చాలామందికి అలెర్జీ సమస్య కూడా వచ్చేస్తుంది. ఈ అలెర్జీ లక్షణాలు ఎలా ఉంటాయో ఒకసారి చూద్దాం... * తరచూ తలనొప్పి రావడం లేదా ఒత్తిడ
తొలకరి చినుకులు మొదలయ్యాయి. బండలు పగిలే ఎండల నుంచి చినుకులతో భూమి ఒక్కసారిగా చల్లబడిపోయింది. ఇలా వాన చిలుకులతోపాటు ఆ వెంటనే చాలామందికి అలెర్జీ సమస్య కూడా వచ్చేస్తుంది. ఈ అలెర్జీ లక్షణాలు ఎలా ఉంటాయో ఒకసారి చూద్దాం...
* తరచూ తలనొప్పి రావడం లేదా ఒత్తిడి పెరగడం.
* నరాలు బలహీనంగా ఉండటం, శారీరకంగా బలహీనంగా మారిపోవడం లేదా నిరుత్సాహంతో కొట్టుమిట్టాడుతుండటం.
* ఆస్తమా
* ముక్కు దిబ్బడ, తరచూ జలుబుతో బాధపడుతుండటం.
* తరచూ ముఖం, కళ్ళు వాచిపోతుండటం.
అలర్జీకి ప్రకృతిపరమైన చికిత్స
* తరచూ ఆహారంగా చాక్లెట్లు, చల్లటి ద్రవపదార్థాలు, మద్యపానం, చక్కెర, చికెన్, ధూమపానం, పాలు, మజ్జిగ తీసుకోకూడదు.
* అలర్జీగా ఉన్నప్పుడు 125 మిల్లీ గ్రాముల విటమిన్ బీ5 మాత్రలు వాడండి. లేదా పాంటోథెనిక్ యాసిడ్‌‌ను ప్రతి రోజు వాడాలి. ఇలా రెండు- మూడు నెలలు వాడితే అలర్జీ నుంచి ఉపశమనం కలుగుతుందంటున్నారు ఆరోగ్య నిపుణులు.
* విటమిన్ ఇ 300 మిల్లీ గ్రాముల బిళ్ళలు ఆరు వారాలపాటు వాడాలి. ఇది శరీరంలోని అలర్జీని పారద్రోలేందుకు చాలా దోహదపడుతుందంటున్నారు వైద్యులు.
* అలర్జీని పారద్రోలే అత్యంత దివ్యమైన ఔషధం మంచినీరు. ప్రతి రోజు ఎనిమిది గ్లాసుల నీటిని తాగుతుంటే ఆ నీరు శరీరంలోని మ్యూకస్‌ను బయటకు తరిమేస్తుంది. దీంతో అలర్జీ నుంచి ఉపశమనం కలుగుతుంది.
* ఇంట్లో ఉన్నప్పుడు లేదా వాహనాలలో ప్రయాణించేటప్పుడు కిటికీలు మూసివుంచండి. దీంతో దుమ్ము ధూళి నుంచి మీరు బయటపడగలరు. అలాగే దుమ్ము, ధూళి లేకుండా ఇంటిని రోజూ శుభ్రపరుచుకోండి.
మూలికలతో చికిత్స :
జలుబు, ముక్కు దిబ్బడగా ఉన్నప్పుడు జీలకర్ర, సోంపు, నువ్వులు, చెరి 50 గ్రాములు కలుపుకుని వేయించుకోవాలి. ఈ మిశ్రమంలో ఒక చెంచా నల్ల ఉప్పు కలుపుకోవాలి. దీనిని ఓ గాజు సీసాలో భద్రపరచుకోండి. ప్రతిరోజు భోజనం తీసుకున్న తర్వాత పైన చెప్పబడిన మిశ్రమంలోంచి అరచెంచా సేవించండి. దీంతో శరీరంలో ఎటువంటి అలర్జీ నైనా ఈ మిశ్రమం తొలగిస్తుందంటున్నారు వైద్యులు.
