వ్లాదిమిర్ పుతిన్‌కు గుండెపోటా? రష్యా క్లారిటీ ఇచ్చిందా?
రష్యా అధ్యక్షుడు వ్లాదిమిర్ పుతిన్‌కు తీవ్రమైన గుండెపోటు వచ్చి మంచంపై అపస్మారక స్థితిలో పడి ఉన్న సంగతి తెలిసిందే. ఇటీవలి కాలంలో పుతిన్ అనారోగ్యం గురించి కథనాలు ఎక్కువయ్యాయి. పుతిన్ కొద్దిరోజులుగా తీవ్రమైన, నయంకాని వ్యాధితో బాధపడుతున్నారని, కొద్దిరోజులుగా క్యాన్సర్‌తో బాధపడుతున్నారని, శస్త్రచికిత్స చేయించుకున్నారని పుతిన్ ఆరోగ్యంపై పలు వార్తలు హల్‌చల్ చేస్తున్నాయి. అయితే. వీటిని రష్యా ఎప్పటికప్పుడు ఖండిస్తూ వస్తోంది.
కానీ తాజాగా మరో కథనం వైరల్ అవుతోంది. రష్యా అధ్యక్షుడు పుతిన్‌కు ఆదివారం ఉదయం గుండెపోటు వచ్చిందని, ఆయన తన గదిలోని మంచంపై అపస్మారక స్థితిలో పడి ఉన్నారని, వెంటనే వ్యక్తిగత వైద్యులు ఆయనకు అత్యవసర చికిత్స అందించి ప్రాణాలను కాపాడారని ఆ వార్త సారాంశం.
అందుకే పుతిన్ తన షెడ్యూల్ ఈవెంట్‌లను రద్దు చేసుకున్నట్లు వారు వివరించారు. అయితే ఈ వార్తలను రష్యా ఖండించింది. పుతిన్ గురించి వందలాది పుకార్లలో ఇది ఒకటి. ఆ వార్త పూర్తిగా అబద్ధమని, నిరాధారమని స్పష్టం చేశారు. పుతిన్ సంపూర్ణ ఆరోగ్యంతో ఉన్నారని రష్యా అధికార ప్రతినిధి దిమిత్రి పెస్కోవ్ బుధవారం స్పష్టం చేశారు.
