పేలిపోతున్న ఐఫోన్ 8.. వినియోగదారుల గగ్గోలు!
మొబైల్ ఫోన్ దిగ్గజం ఆపిల్‌కు చెందిన ఐఫోన్ 8, 8 ప్లస్ విడుదలై నెలరోజులైనా కాకముందే అప్పుడే ఫిర్యాదులు వెల్లువెత్తుతున్నాయి. ఐఫోన్ 8 ప్లస్ మొబైల్‌ను కొనుగోలు చేసిన తైవాన్‌కు చెందిన ఓ వ్యక్తి తాను చార్జి
మొబైల్ ఫోన్ దిగ్గజం ఆపిల్‌కు చెందిన ఐఫోన్ 8, 8 ప్లస్ విడుదలై నెలరోజులైనా కాకముందే అప్పుడే ఫిర్యాదులు వెల్లువెత్తుతున్నాయి. ఐఫోన్ 8 ప్లస్ మొబైల్‌ను కొనుగోలు చేసిన తైవాన్‌కు చెందిన ఓ వ్యక్తి తాను చార్జింగ్ కోసం ప్రయత్నిస్తున్నప్పుడు ఫోన్ పేలిపోయింది.
తైవాన్, చైనా మీడియా కథనం ప్రకారం యు అనే మహిళ ఇటీవల ఐఫోన్ 8, 64 జీబీ వెర్షన్‌ను కొనుగోలు చేసింది. ఫోన్ కొనుగోలు చేసిన ఐదు రోజు తర్వాత యు ఆ ఫోన్‌కు చార్జింగ్ పెట్టింది. మూడు నిమిషాల తర్వాత చూస్తే ఫోన్ ఫ్రంట్ పానెల్ ఉబ్బిపోయి కాస్త పైకి లేచి కనిపించింది. ఆ తర్వాత కాసేపటికి మొత్తం పైకి లేచి వచ్చింది. దీంతో ఈ ఫోన్‌ను వెనక్కి తీసుకున్న ఔట్‌లెట్ ఆ ఫోన్‌ను వెనక్కి తీసుకుని కంపెనీకి పంపించినట్టు తెలుస్తోంది.
ఐఫోన్ 8ప్లస్ కొనుగోలు చేసిన మరో వ్యక్తి కూడా ఇదే రకమైన ఫిర్యాదు చేశారు. ఓ జపాన్ వ్యక్తి కూడా తన ఫోన్ ఇలానే బాడీతో స్క్రీను వేరు అయిందని కంప్లైంట్ చేశారు. కాగా, తాజా ఫిర్యాదులపై ఐఫోన్ అధికారికంగా స్పందించలేదు.
