వాట్సాప్ లాగానే.. గూగుల్ మొబైల్ సెర్చ్‌ యాప్ కూడా ఇక డార్క్ మోడ్‌లో..

Written By: సెల్వి

Updated: Tue, 19 May 2020 (19:21 IST)

Google

సోషల్ మీడియాలో అగ్రగామి అయిన వాట్సాప్‌ నుంచి కస్టమర్లకు డార్క్ మోడ్ అందుబాటులోకి వచ్చింది. ప్రస్తుతం ఈ డార్క్ మోడ్‌ను సెర్చింజన్ అయిన గూగుల్ కూడా నెటిజన్లకు అందుబాటులోకి తేనుంది. మొబైల్ వినియోగదారుల కంటికి ఎలాంటి ఇబ్బంది లేకుండా వుండేందుకు ఈ డార్క్ మోడ్ ఉపకరిస్తుంది. అందుకే ఈ అప్లికేషన్‌ అందుబాటులోకి వస్తోంది. 

ఇదే తరహాలో గూగుల్ కూడా మొబైల్ సెర్చ్‌ను డార్క్‌మోడ్‌లో వినియోగదారులకు అందుబాటులోకి తీసుకొచ్చింది. ఆండ్రాయిడ్, ఐవోఎస్ వినియోగదారులు ఇద్దరికీ ఇది అందుబాటులో ఉంది. 

అప్‌డేట్ తర్వాత సిస్టమ్-వైడ్ స్థాయిలో దీనిని ఎనేబుల్ చేసుకుంటే యాప్ డిఫాల్డ్‌గా డార్క్‌మోడ్‌లోకి వచ్చేస్తుంది. అలా కాకుంటే సెట్టింగ్స్‌లోకి వెళ్లి డార్క్‌మోడ్‌ను ఎనేబుల్ చేసుకోవాల్సి ఉంటుంది. అయితే, ఆండ్రాయిడ్ 10, ఐవోఎస్ 12 అంతకంటే ఎక్కువ ఉన్న వారికే ఇది అందుబాటులో ఉంది.