షార్ట్ వీడియోల కోసం రిలయన్స్ జియో నుంచి కొత్త యాప్
దేశంలో ప్రైవేట్ టెలికాం సంస్థల్లో అగ్రగామిగా ఉన్న రిలయన్స్ జియో ఇపుడు తన వినియోగదారుల కోసం మరో యాప్ను అదుబాటులోకి తీసుకొచ్చింది. షార్ట్ వీడియోస్ కోసం ఈ యాప్ను అందుబాటులోకి తీసుకొచ్చింది. ఇన్స్టాగ్రామ్ రీల్స్ తరహాలోనే ఈ యాప్ కూడా ఉంది. అయితే, ఈ యాప్ ప్రారంభంలో తొలుత వంద మందికి మాత్రమే ప్రవేశం కల్పిస్తారు. ఆ తర్వాత ఇన్విటేషన్ రూపంలో ఇతరులకు ఆహ్వానం పంపిస్తారు.
"వినోదాన్ని అందించే స్టార్స్కు ఇదొక అంతిమ గమ్యం అవుతుంది. గాయకులు, సంగీతకారులు, నటులు, హాస్య నటులు, డ్యాన్సర్లు, ఫ్యాషన్ డిజైనర్లు, సంస్కృతిని ప్రభావితం చేసే సృష్టికర్తలు అందరికీ ఇది గమ్యస్థానం" అని జియో ఫ్లాట్ఫామ్స్ ఓ ప్రటనలో తెలిపింది.
ఈ షార్ట్ వీడియో యాప్ బీటా వెర్షన్లో బయటకు వచ్చింది. పూర్తి స్థాయి వెర్షన్ 2023 జనవరి విడుదల చేయనున్నారు. అపుడు యూజర్లు డౌన్లోడ్ చేసుకునే వెసులుబాటు కల్పిస్తారు. కాకపోతే, ఆరంభంలో అందరికీ ఈ అవకాశం ఇవ్వరు.
వ్యవస్థాపక సభ్యుల్లో మొదటి 100 మంది మాత్రమే ఈ యాప్ను వినియోగించుకోవచ్చు. ఇన్వైట్ విధానంలో ఇతరులకు ఈ వేదికపైకి ఆహ్వానించవచ్చు. రిఫరల్ ప్రోగ్రామ్ రూపంలో ఇందులో ప్రవేశం దక్కించుకోవచ్చు.
తర్వాతి కథనం
