మ్యాగీ లాంటి ఫుడ్స్ కంటే.. హెల్త్ మిక్స్ పిల్లలకు ఇవ్వొచ్చా?
మ్యాగీ లాంటి ఫుడ్స్ కంటే హెల్త్ మిక్స్ వంటి ఫుడ్‌ను పిల్లలకు నిశ్చింతగా ఇవ్వొచ్చునని చైల్డ్ కేర్ నిపుణులు అంటున్నారు. అయితే షాపుల్లో అమ్మే హెల్త్ మిక్స్ పౌడర్ల కంటే ఇంట్లోనే తయారు చేసే హోమ్‌మేడ్ పౌడర్లతో తయారుచేసే గంజిని ఇవ్వడం ద్వారా పిల్లలకు కావాల్సిన పోషకాలు లభిస్తాయి. స్కూల్, స్పోర్ట్స్, ట్యూషన్ అంటూ పరుగుబెడుతున్న పిల్లలకు పూర్తిశక్తినిచ్చేది హెల్త్ మిక్స్ మాత్రమే.
రాగి, మొక్కజొన్న, సజ్జలు, వేరుశెనగలు, పప్పు దినుసులన్నీ సమపాళ్ళలో హెల్త్ మిక్స్‌లో ఉండటం వల్ల పిల్లలకు ఈ గంజి పెట్టడంలో ఎలాంటి అనుమానాలు అవసరం లేదు. పిల్లలు హెల్దీగా ఉండాలంటే మీరు చేయాల్సిందల్లా హెల్త్ మిక్స్ గంజి రోజూ తెల్లారు ఒక రెండు గ్లాసులు ఇవ్వడమే అంటున్నారు న్యూట్రీషన్లు.
పప్పు దినుసు, రాగి, సజ్జలు, మొక్కజొన్నలు నెలకు కావాల్సినంత పౌడర్‌లా చేసుకుని ప్రతిరోజూ గంజిలా తయారు చేసి కొంచెం పాలు కలిపి పిల్లలకు ఇవ్వడం ద్వారా శరీరానికి కావాలసిన పోషకాలు లభిస్తాయని వారు అంటున్నారు.
ఇంకా ఈ పిండిలో కాస్త బెల్లం కలిపి స్నాక్స్‌లా కూడా పిల్లలకు పెట్టొచ్చు. మొక్కజొన్నలో విటమిన్లు, రాగిలో ఫాస్పరస్, కాల్షియం, పప్పు దినుసుల్లో ప్రోటీన్లు పుష్కలంగా ఉండటంతో బ్రేక్ ఫాస్ట్‌కు దీన్ని ఎంచుకోవచ్చు. సగ్గుబియ్యం, వేరుశెనగ, వేయించిన మినపప్పు, ఎర్రని బియ్యం, గోధుమ, రాగి, మొక్కజొన్న, బీన్స్, వరి, ఉద్దిబియ్యం, సజ్జలు, బాదం, జీడిపప్పు, పిస్తా, ఏలకులు వంటివి ఈ హెల్త్ మిక్స్‌లో కలుపుకోవచ్చునని చైల్డ్ కేర్ నిపుణులు సూచిస్తున్నారు.
