భార్య నల్లగా ఉంటే.. విడాకులు ఇవ్వాలా? ఫ్యామిలీ కోర్టు ప్రశ్న
భార్యగా నల్లగా ఉందని, అందువల్ల తనకు విడాకులు కావాలంటూ కోర్టుకెక్కిన ఓ భర్తకు తేరుకోలేని షాక్ తగిలింది. నల్లగా ఉన్నంత మాత్రాన విడాకులు ఇవ్వాలా అంటూ ఛత్తీస్‌గఢ్ రాష్ట్రంలోని ఫ్యామిలీ కోర్టు వ్యాఖ్యానించింది. భార్య నల్లగా ఉందన్న కారణంతో విడాకులు మంజూరు చేయలేమని హైకోర్టు తెలిపింది. ఈ విషయాన్ని పేర్కొంటూ గతంలో ఫ్యామిలీ కోర్టు ఇచ్చిన తీర్పును కూడా సమర్థించింది.
ఈ కేసు వివరాలను పరిశీలిస్తే, ఛత్తీస్‌గఢ్ రాష్ట్రానికి చెందిన ఓ జంటకు గత 2005 వివాహమైంది. అయితే, భార్య తన పట్ల క్రూగంగా ప్రవర్తిస్తుందని, తనను విడిచిపెట్టి వెళ్ళిపోయిందని, విడాకులు మంజూరు చేయాలంటూ భర్త కోర్టును ఆశ్రయించాడు. దీనికి భార్య కౌంటర్ దాఖలు చేసింది.
తాను నల్లగా ఉన్నానంటూ తన భర్తే తనను అవమానిస్తున్నారని, ఇంటి నుంచి బయటకు పంపించేశారని భార్య వాదించింది. దీనిపై విచారణ జరిపిన కోర్టు భర్త వాదనతో ఏకీభవించలేదు. శరీర రంగును చూసి వివక్ష చూపే మనస్తత్వం మారాలని, ఒకవేళ విడాకులు ఇస్తే వివక్షను ప్రోత్సహించినట్టవుతుందని పేర్కొంటూ గతంలో కింది కోర్టు ఇచ్చిన తీర్పును సమర్థించింది.
