కారు బాన్నెట్‌పై ఎక్కికూర్చొన్న ట్రాఫిక్ కానిస్టేబుల్
మహారాష్ట్ర రాష్ట్ర రాజధాని ముంబైలో ఓ ట్రాఫిక్ కానిస్టేబుల్ ఇపుడు అందరి దృష్టిని ఆకర్షించాడు. రాంగ్ రూట్‌లో వచ్చిన కారు బాన్నెట్‌పై ఎక్కి కూర్చొన్నాడు. కారుకు వేసే చలానాను ఫోటో తీసేంత వరకు ఆయన కారు ముందు భాగం నుంచి కిందరు దిగలేదు.
అంధేరీలోని డీఎన్ నగర్‌లో ఓ కారు రాంగ్ రూట్‌లో వచ్చింది. దీన్ని గమనించిన ట్రాఫిక్ కానిస్టేబుల్ దానికి ఫైన్ వేసేందుకు ప్రయత్నించాడు. కానీ కారు డ్రైవర్ ముందుకు వెళ్లేందుకు ప్రయత్నించాడు. దీంతో ఆగ్రహించిన ట్రాఫిక్ కానిస్టేబుల్ ఆ కారు బాన్నెట్‌పై ఎక్కి కూర్చొన్నాడు. దీనికి సంబంధించిన వీడియో ఒకటి సోషల్ మీడియాలో వైరల్ అయింది.
