1. వార్తలు
  2. తెలుగు వార్తలు
  3. జాతీయ వార్తలు
  4. Why Rajinikanth not respond on his daughter's second marriage

కుమార్తె రెండో వివాహం... రజినీకాంత్ సైలెంట్... ఎందుకు?

Rajinikanth
తమిళ సూపర్ స్టార్ రజినీకాంత్ చిన్న కుమార్తె సౌందర్య రెండో పెళ్ళికి సిద్ధమైంది. ఇప్పటికే భర్త అశ్విన్ రామ్ కుమార్‌తో మనస్పర్థల కారణంగా విడిపోయిన సౌందర్య, తండ్రితో పాటు కలిసి ఉంటోంది. ఐదు సంవత్సరాల తన కుమారుడు వేద్ క్రిష్ణతో కలిసి ఉంటోంది సౌందర్య. అయితే గత కొన్నిరోజులుగా ప్రేమలో ఉన్న సౌందర్య ప్రేమికుడినే రెండవ పెళ్ళి చేసుకునేందుకు సిద్ధమవుతోంది.
 
ఆయనెవరో కాదు ప్రముఖ వ్యాపారవేత్త, నటుడు విశ్గన్ వనంగమూడి. ఈయన కూడా మొదటి వివాహం చేసుకుని భార్యను వదిలేశాడు. ఇద్దరి మధ్య గత కొన్నిరోజులుగా ప్రేమాయణం నడుస్తుండటంతో తమిళ సినీ పరిశ్రమలో పెద్దఎత్తున చర్చ జరిగింది. అయితే తాము ప్రేమించుకుంటూనే త్వరలో పెళ్ళి కూడా చేసుకోబోతున్నట్లు కుండబద్దలు కొట్టింది సౌందర్య.
 
నిర్మాతగా, గ్రాఫిక్ డిజైనర్‌గా, దర్శకురాలిగా సౌందర్య తమిళ సినీపరిశ్రమలో కొనసాగుతున్నారు. అయితే కుమార్తెపై ఎంతో ప్రేమ ఉన్న రజినీకాంత్ రెండో పెళ్ళి చేసుకునేందుకు సౌందర్య సిద్ధపడుతున్నా ఏమీ అనడం లేదట. మనసులు కలవనప్పుడు ఎవరైనా ఏం చేస్తారు మరి... అందుకే రజినీకాంత్ సైలెంట్ అయ్యారని అంటున్నారు. 
తర్వాతి కథనం
ముద్దు సీన్లు, శరీరంపై ఎక్కడపడితే అక్కడ కెమెరాలు పెట్టారు.. సంజన క్షమాపణలు