ఆ డివిజన్ల పరిధిలో వారం రోజుల పాటు 20 రైళ్లు రద్దు
తెలంగాణ రాష్ట్రంలోని సికింద్రాబాద్‌, హైదరాబాద్‌ డివిజన్ల పరిధిలో వివిధ రకాల నిర్వహణ, ఇంజనీరింగ్ పనుల కారణంగా 20 రైళ్లను వారం పాటు రద్దు చేస్తున్నట్లు దక్షిణ మధ్య రైల్వే తెలిపింది. ఇందులో 18 రైళ్లు ఈ నెల 14 నుంచి 20 వరకు, రెండు రైళ్లు 15 నుంచి 21 వరకు ప్రయాణికులకు అందుబాటులో ఉండవని తెలిపింది.
రద్దు చేసిన రైళ్లలో కాజీపేట - డోర్నకల్‌ - కాజీపేట, డోర్నకల్‌ - విజయవాడ - డోర్నకల్‌, భద్రాచలం రోడ్‌ - విజయవాడ - భద్రాచలంరోడ్‌, కాజీపేట - సిర్పుర్‌టౌన్‌, బళ్లారి - కాజీపేట, భద్రాచలం రోడ్‌ - బళ్లారి, సిర్పుర్‌ టౌన్‌ - భద్రాచలం రోడ్‌, సికింద్రాబాద్‌ - వరంగల్‌ - సికింద్రాబాద్‌, సిర్పుర్‌ టౌన్‌ - సికింద్రాబాద్‌ - సిర్పుర్‌ టౌన్‌, కరీంనగర్‌ - నిజామాబాద్‌ - కరీంనగర్‌, కాజీపేట - బళ్లారి - కాజీపేట, కాచిగూడ - నిజామాబాద్‌ - కాచిగూడ రైళ్లు ఉన్నాయి. హైదరాబాద్‌లో 22 ఎంఎంటీఎస్‌ రైళ్లను కూడా 14నుంచి 20వ వరకు రద్దు చేశారు.
