ఫ్యాషన్ డిజైనర్ ప్రత్యూష మృతిపై ఉపాసన ట్వీట్
ప్రముఖ ఫ్యాషన్ డిజైనర్ ప్రత్యూష గరిమెళ్ల ఆత్మహత్య చేసుకుంది. హైదరాబాద్ నగరంలో జరిగింది. ఈ వార్త తెలియగానే అనేక మంది షాక్‌కు గురయ్యారు. తాజాగా ప్రత్యూష మృతిపై ఉపాసన స్పందించారు. తన డియరెస్ట్ ఫ్రెండ్ ప్రత్యూష అంటూ పేర్కొన్నారు. ఆమె చాలా త్వరగా వెళ్లిపోయిందంటూ తీవ్ర ఆవేదన వ్యక్తం చేశారు. ప్రత్యూష మరణంతో తాను తీవ్ర వేదనకు, దిగ్భ్రాంతికిలోనైనట్టు చెప్పారు.
ఆమె ప్రతి విషయంలోనూ ఎంతో జాగ్రత్తగా, ఉన్నతంగా వ్యవహరించేవారని గుర్తు చేసిన ఉపాసన.. కేరీర్ పరంగా, కుటుంబ పరంగా మంచి నిర్ణయాలే తీసుకుంటూ ముందుకు సాగారన్నారు. ఇలా ప్రతి ఒక్క విషయంలో ఎంతో ఉన్నతంగా ఉంటూ వచ్చిన ఆమె.. మానసిక ఒత్తిడికి గురికావడం చాలా బాధను కలిగిస్తుందన్నారు. ప్రత్యూష ఆత్మకు శాంతికలగాలని ఉపాసన చేసిన ట్వీట్‌లో పేర్కొన్నారు. దీంతో తనతో తామిద్దరం కలిసివున్న ఫోటోను ఉపాసన షేర్ చేశారు.
మరోవైపు, ప్రముఖ ఫ్యాషన్ డిజైనర్ ప్రత్యూష గరిమెళ్ల సూసైడ్ నోట్ పోలీసుల‌కు దొరికింది. అందులో ఆమె తన ఆత్మ‌హ‌త్య‌కు గ‌ల కార‌ణాల‌ను వివ‌రంగా వెల్ల‌డించింది. తాను స్వేచ్ఛ‌ను కోరుకున్నాన‌ని అందులో ఆమె పేర్కొంది. అంతే కాకుండా తాను ఎవ‌రికీ భారం కాద‌ల్చుకోలేద‌ని కూడా ఆమె తెలిపారు. డిప్రెష‌న్ నుంచి బ‌య‌ట‌ప‌డేందుకు అనేక సార్లు య‌త్నించిన‌ట్లు చెప్పిన ప్రత్యూష... ప్రతి రోజు తాను బాధ‌ప‌డుతూనే ఉన్న‌ట్లు ఆవేదన వ్యక్తం చేశారు
