శుక్రవారం, 29 మార్చి 2024
  1. వినోదం
  2. తెలుగు సినిమా
  3. గుసగుసలు
Written By శ్రీ
Last Modified: శుక్రవారం, 4 సెప్టెంబరు 2020 (15:17 IST)

హరీష్, సూరి సినిమాలకు అందుకే పవన్ ఓకే చెప్పాడా..?

పవర్ స్టార్ పవన్ కళ్యాణ్ వకీల్ సాబ్ సినిమా చేస్తున్నారు. ఈ సినిమాతో పాటు క్రిష్ డైరెక్షన్లో చారిత్రాత్మక సినిమా చేస్తున్నారు. ఇది పవన్ కళ్యాణ్ నటిస్తున్న ఫస్ట్ పాన్ ఇండియా మూవీ కావడం విశేషం. ఇదిలా ఉంటే.. ఈ రెండు సినిమాలే కాకుండా పవన్ కళ్యాణ్.. హరీష్ శంకర్ డైరెక్షన్లో ఓ మూవీ, సురేందర్ రెడ్డి డైరెక్షన్లో ఓ మూవీ చేయనున్నట్టు ప్రకటించారు.
 
అయితే... హరీష్ శంకర్, సురేందర్ రెడ్డిలతో సినిమాలు చేయడానికి ఓ ప్రత్యేక కారణం ఉందంటున్నారు. ఇంతకీ మేటర్ ఏంటంటే... ఈ రెండు సినిమాలు పొలిటికల్ బ్యాక్ డ్రాప్‌లో రూపొందే సినిమాలే. హరీష్ శంకర్ మూవీ పొలిటికల్ బ్యాక్ డ్రాప్‌లో రూపొందే సినిమా అని కాన్సెప్ట్ పోస్టర్‌ను బట్టి తెలుస్తుంది. ఇక సురేందర్ రెడ్డితో చేయనున్న మూవీ కూడా పొలిటికల్ డ్రామానే అని టాలీవుడ్ టాక్.
 
ఈ రెండు సినిమాల కథలు తన పొలిటికల్ కెరీర్‌కి ఉపయోగపడేలా ఉండడంతో వెంటనే ఓకే చెప్పాడని తెలిసింది. ఇప్పుడు పవన్ ముందు ఉన్న టార్గెట్ 2024. అందుచేత అప్పటిలోగా వీలైనన్ని సినిమాలు చేసి ఆ తర్వాత పూర్తిగా రాజకీయాలపై దృష్టి పెట్టాలనుకుంటున్నారట. మరి.. పొలిటికల్ బ్యాక్‌డ్రాప్‌లో రూపొందే ఈ సినిమాలు బాక్సాఫీస్ వద్ద ఎలాంటి సెన్సేషన్ క్రియేట్ చేస్తాయో చూడాలి.