శుక్రవారం, 21 జూన్ 2024
  1. వినోదం
  2. తెలుగు సినిమా
  3. గుసగుసలు
Written By సెల్వి
Last Updated : బుధవారం, 24 జనవరి 2024 (15:17 IST)

సల్మాన్ ఖాన్‌తో సినిమాకు ప్లాన్ చేస్తోన్న సమంత?

samanta
టాలీవుడ్ స్టార్ హీరోయిన్ సమంత ప్రస్తుతం బాలీవుడ్ చిత్రంలో కనిపించనుందని టాక్ వస్తోంది. మయోసైటిస్ కారణంగా ఏడాది పాటు సినిమాలకు దూరంగా వుంటూ విశ్రాంతి తీసుకుంటున్న సమంత.. ప్రస్తుతం బిటౌన్ ఎంట్రీ ఇచ్చేందుకు సిద్ధంగా వున్నట్లు తెలుస్తోంది. 
 
సమంత రూత్ ప్రభు బాలీవుడ్ సూపర్ స్టార్ సల్మాన్ ఖాన్‌తో కలిసి రాబోయే చిత్రం కోసం ప్లాన్ చేస్తున్నట్లు సమాచారం. ప్రస్తుతం ముంబైలో ఉన్న సమంత తన బ్రాండ్ ఉనికిని పెంచుకోవడానికి సల్మాన్ ఖాన్‌తో కలిసి పనిచేయడానికి రెడీ అన్నట్లు టాక్. ఇందుకోసం చిత్రనిర్మాతలు, బ్రాండ్ ఎండార్సర్‌లతో చర్చలు జరుపుతోంది. 
 
భారతీయ టీవీ సిరీస్ 'సిటాడెల్'లో బాలీవుడ్ నటుడు వరుణ్ ధావన్‌తో ఇప్పటికే ఒక ప్రాజెక్ట్‌లో పనిచేసిన సమంత.. పాన్-ఇండియా ప్రేక్షకులను చేరుకోవడానికి రంగం సిద్ధం చేసుకుంటోంది. ఇందులో భాగంగా సల్మాన్ ఖాన్‌తో రాబోయే ప్రాజెక్ట్ కోసం సమంతను ఆలోచిస్తున్నట్లు సమాచారం. గతంలో పూజా హెగ్డే వంటి దక్షిణ భారత నటీమణులతో కలిసి పనిచేసిన సల్మాన్ ఖాన్ సమంత ప్రతిభను మెచ్చుకున్నారు. 
 
హిందీ స్పై థ్రిల్లర్ 'ది ఫ్యామిలీ మ్యాన్' రెండవ సీజన్‌‌ ద్వారా బాలీవుడ్‌లో తన సత్తా ఏంటో నిరూపించింది.రాజి పాత్రకు ప్రశంసలు అందుకుంది. మహేష్ బాబు, అల్లు అర్జున్, రామ్ చరణ్ వంటి సూపర్ స్టార్‌లతో కలిసి టాలీవుడ్‌లో నటించిన సమంత.. కోలీవుడ్‌లోనూ విజయ్, విశాల్ స్టార్‌లతో కలిసి పని చేసింది.
 
ఇంకా 'ఓ బేబీ', 'యశోద' వంటి లేడి ఓరియెంటెడ్ సినిమాలలో తన నటనా నైపుణ్యాన్ని ప్రదర్శించింది. ప్రస్తుతం బాలీవుడ్‌లో తన సత్తా ఏంటో నిరూపించేందుకు పావులు కదుపుతోంది.