చెన్నకేశవ రెడ్డితో బాల‌కృష్ణ జాతర ఖండాంతరాలు దాటిన వేళ
Chennakesava Reddy poster
తెలుగు సినిమాలు ఈమ‌ధ్య రిరిలీజ్ చేయడం ప‌రిపాటి అయింది. మ‌హేష్‌బాబు, పవన్ క‌ళ్యాణ్ చిత్రాలు రిరిలీజ్ చేసి కోట్ల రూపాయ‌ల క‌లెక్ష‌న్లు రాబ‌ట్టాయి. తాజాగా ఆ కోవ‌లో నంద‌మూరి బాల‌కృష్ణ వంతు వ‌చ్చింది. చెన్నకేశవ రెడ్డి 20 సంవ‌త్స‌రాలు అయిన సంద‌ర్భంగా మ‌ర‌లా వెండితెరపైకి మళ్లీ వస్తోంది. బాల‌కృష్ణ న‌టించిన మాస్ చిత్రాల్లో ఇది ఒకటి. మాస్ చిత్రాల దర్శకుడు వివి వినాయక్ కాంబినేష‌న్‌లో రూపొందింది.
ఈ చిత్రాన్ని సెప్టెంబర్ 24, 25 తేదీల్లో ప్రపంచవ్యాప్తంగా స్పెషల్ షోలు వేయడానికి ప్లాన్ చేస్తున్నారు. దీనికి సంబంధించిన పోస్ట‌ర్ల‌ను నేడు విడుద‌ల చేశారు. ఇప్ప‌టికే షూటింగ్ నిమిత్తం విదేశాల్లో వున్న బాల‌కృష్ణ యూఎస్‌.లో ఉన్న బాలయ్య అభిమానులు 30 కి పైగా స్పెషల్ షోలు ఆల్రెడీ ప్లాన్ చేసుకున్నార‌ని తెలుస్తోంది. తెలుగు రాష్ట్రంలోనూ భారీగానే విడుద‌ల వుండ‌వ‌చ్చ‌ని తెలుస్తోంది. త్వ‌ర‌లో మ‌రిన్ని వివరాలు తెలియ‌జేయ‌నున్నారు.
