చైనా ఉత్పత్తులను వాడాలని లేదు.. బీబీ2 ఫోన్‌ను నేలకేసి కొట్టాడు..?
భారత్-చైనా సరిహద్దుల్లో చోటుచేసుకుంటున్న ఘటనల కారణంగా చైనా ఉత్పత్తులపై నిషేధం విధించాలనే డిమాండ్ పెరిగిపోతోంది. సరిహద్దుల ఘర్షణల కారణంగా భారత్‌కు చెందిన 20 మంది భారత సైనికులు ప్రాణాలు కోల్పోయారు. చైనా సైనికులు కూడా పెద్ద ఎత్తున మరణించారని అంటున్నారు. ఈ ఘటనల వలన చైనా పట్ల భారత ప్రజలు తీవ్ర ఆగ్రహాన్ని వ్యక్తం చేస్తున్నారు.
ఈ నేపథ్యంలో బిగ్ బాస్ సీజన్ 2 విన్నర్ కౌశల్ కూడా చైనా వస్తువుల మీద ఆగ్రహాన్ని వ్యక్తం చేశారు. తనకు బిగ్ బాస్‌లో పార్టిసిపేషన్ చేస్తున్న సమయంలో గెలుచుకున్న ఒప్పో మొబైల్ ఫోన్‌ను నేలకేసి కొట్టాడు కౌశల్.
తన ఇంట్లో బాయ్ కాట్ చైనా ప్రొడక్ట్స్ అంటూ గట్టిగా కిందకి విసిరేశాడు. దీంతో ఆ మొబైల్ ఫోన్ కాస్తా ముక్కలు ముక్కలు అయింది. వెంటనే దాన్ని తీసుకుని డస్ట్ బిన్‌లో వేసేశాడు కౌశల్. ఈ వీడియో ప్రస్తుతం సామాజిక మాధ్యమాల్లో వైరల్ అవుతోంది.
తాను చైనా ప్రోడక్ట్స్‌ను వాడాలని అనుకోవడం లేదన్నదానికి సాక్ష్యం ఈ వీడియో అంటూ తన అకౌంట్ లో షేర్ చేశాడు కౌశల్. దీనిపై పలువురు సానుకూలంగా స్పందిస్తున్నారు.
