చిరంజీవి-సుక్కు యాడ్ అదిరిందిగా.. (video)
ప్రముఖ దర్శకుడు సుకుమార్ "పుష్ప-2" పనుల్లో బిజీగా ఉన్నారు. మరోవైపు చిరంజీవి "ఆచార్య" సినిమాతో ప్రేక్షకుల ముందుకు రావడానికి సిద్ధమవుతున్నారు. ఏప్రిల్ 29న విడుదల కానున్న ఈ సినిమాకు కొరటాల శివ దర్శకత్వం వహించగా, కాజల్ అగర్వాల్ హీరోయిన్‌గా, రామ్ చరణ్, పూజా హెగ్డే ప్రధాన పాత్రల్లో నటించారు.
ఈ సినిమా మాత్రమే కాకుండా మెగాస్టార్ ఖాతాలో భోళా శంకర్, గాడ్ ఫాదర్ వంటి సినిమాలు కూడా ఉన్నాయి. వరుసగా సినిమా షూటింగులతో బిజీగా ఉన్న చిరు త్వరలోనే "ఆచార్య” ప్రమోషన్లను స్టార్ట్ చేయనున్నారు.
ఈ నేపథ్యంలో సుకుమార్ దర్శకత్వంలో మెగాస్టార్ చిరంజీవి ఓ యాడ్ చేస్తున్నాడంటూ గత కొన్ని రోజులుగా వార్తలు వస్తున్నాయి. శుభగృహ రియల్‌ ఎస్టేట్‌ సంస్థకు బ్రాండ్‌ అంబాసిడర్‌గా మెగాస్టార్ చిరంజీవి ఈ యాడ్ చేస్తున్నట్టు వారే స్వయంగా వెల్లడించారు కూడా. అన్ని ప్రముఖ టీవీ ఛానెల్స్‌తో పాటు సోషల్‌ మీడియాలో ప్రసారం కానుంది.
తాజాగా బయటకు వచ్చిన ఈ యాడ్‌కు సంబంధించిన వీడియో ఇప్పుడు వైరల్ అవుతోంది. యాడ్‌లో మెగాస్టార్‌తో పారు ఖుష్బూ, అనసూయ భరద్వాజ్ కన్పించగా, ఒక మంచి ట్విస్ట్‌తో హ్యాపీ న్యూస్‌ను రెవీల్ చేశారు. ఉగాది పర్వదినాన విడుదలైన ఈ యాడ్ మెగా అభిమానులను ఆకట్టుకుంటోంది. ఈ వీడియోను మీరూ ఓ లుక్కేయండి.
