ఆదివారం, 25 ఫిబ్రవరి 2024
  1. వినోదం
  2. తెలుగు సినిమా
  3. కథనాలు
Written By pnr
Last Updated : ఆదివారం, 8 జులై 2018 (17:20 IST)

బేసికల్లీ.. క్యాస్టింగ్‌ కౌచ్‌కు నో చెప్పినా.. ఎస్ చెప్పినా... "కలర్స్" స్వాతి

తెలుగు ఇండస్ట్రీలోకి అడుగుపెట్టి పదేళ్లు పూర్తి చేసుకున్న తెలుగు అమ్మాయి కలర్స్ స్వాతి. ఈ సందర్భంగా ఆమె ఇచ్చిన ప్రత్యేక ఇంటర్వ్యూలో అనేక విషయాలను వెల్లడించారు. ముఖ్యంగా క్యాస్టింగ్ కౌచ్‌పై స్పందిస్తూ,

తెలుగు ఇండస్ట్రీలోకి అడుగుపెట్టి పదేళ్లు పూర్తి చేసుకున్న తెలుగు అమ్మాయి కలర్స్ స్వాతి. ఈ సందర్భంగా ఆమె ఇచ్చిన ప్రత్యేక ఇంటర్వ్యూలో అనేక విషయాలను వెల్లడించారు. ముఖ్యంగా క్యాస్టింగ్ కౌచ్‌పై స్పందిస్తూ, సాధారణంగా పవర్‌ స్ట్రగుల్‌ అనేది మన ఇంట్లోనే ఉంటుంది. వర్క్‌ ప్లేస్‌లో ఎందుకు ఉండదు? ఎవరూ డైరెక్టుగా మాట్లాడరు. చాలా తెలివిగా, స్మూత్‌గా, జాగ్రత్తగా వ్యవహరిస్తుంటారని తెలిపింది.
 
బేసికల్లీ... 'నో' చెబుతాం. అంతే... 'ఆ అమ్మాయితో వర్క్‌ చేయడం చాలా కష్టమండీ! ఆ అమ్మాయి అంత ఫ్రెండ్లీ కాదండీ!' అని వీళ్లు ఏదేదో చెబుతారు. హ్యూమన్‌ మెంటాలిటీ అది! మనం ఏం చేసినా మనుషులు మాట్లాడతారు. సాధారణంగా అమ్మాయి క్యాస్టింగ్‌ కౌచ్‌కి 'యస్' చెప్పినా... 'నో' చెప్పినా... ఆమె గురించి మాట్లాడటం మానరని చెప్పుకొచ్చింది. 
 
అంతేకాకుండా, ఇతర రంగాల్లో ఉన్నట్టుగానే సినీ ఇండస్ట్రీలో కూడా క్యాస్ట్ ఫీలింగ్ ఉంది. అంటే క్యాస్టింగ్ కౌచ్ అనేది కూడా క్యాస్ట్ ఫీలింగ్ టైపే. 'నేను బ్రాహ్మిణ్‌ లేదా చౌదరి లేదా మరో క్యాస్ట్‌! మీది సేమ్‌ క్యాస్ట్‌ కదా. మీ సినిమాలోకి నన్నే తీసుకోండి' అన్నట్టుంది. అవకాశాలు ఇవ్వాలని డిమాండ్‌ చేసినవాళ్ల ఫ్రస్ట్రేషన్‌ అర్థం అవుతుంది. కానీ, ప్రాక్టికల్‌గా వర్కవుట్‌ కాదన్నారు. 
 
సినిమా అనేది సీరియస్‌ బిజినెస్‌. నిర్మాతలు పెట్టిన డబ్బులు వెనక్కి రావాలని ఆశిస్తారు. వాళ్లు నువ్వు తెలుగమ్మాయివో? మంచి అమ్మాయివో? అని అవకాశాలు ఇవ్వరు. ఒక పాత్ర తెలుగమ్మాయి మాత్రమే చేయగలదు, తెలుగమ్మాయి అయితేనే న్యాయం చేస్తుందని అంటే వేరే విషయం. కానీ, ప్రతి సినిమాలోనూ అవకాశం ఇవ్వాలని అనుకోవడం సరికాదని చెప్పుకొచ్చింది.