'బుల్లెట్' ప్రకాశ్ ఇకలేరు... సినీ రంగ ప్రముఖుల నివాళులు
కన్నడ చిత్ర పరిశ్రమకు చెందిన ప్రముఖ హాస్య నటుడు 'బుల్లెట్' ప్రకాశ్ ఇకలేరు. ఆయన వయస్సు 42 యేళ్లు. గత కొంతకాలంగా అనారోగ్యంతో బాధపడుతూ వచ్చిన ఆయన సోమవారం సాయంత్రం ఆస్పత్రిలో చికిత్స పొందుతూ కన్నుమూశారు.
కన్నడ, తమిళం, ఇతర భాషల్లో 325 చిత్రాలకు పైగా నటించిన బుల్లెట్ ప్రకాశ్.. గత కొంతకాలంగా కాలేయ ఇన్ఫెక్షన్, కిడ్నీ సమంబంధిత సమస్యలు, జీర్ణకోశ, శ్వాసకోస సమస్యలతో బాధపడుతూ వచ్చాడు. ఈ అనారోగ్య సమస్యలు మరింత ఎక్కువ కావడంతో మార్చి 31వ తేదీన బెంగుళూరులోని ఓ ప్రైవేట్ ఆస్పత్రిలో చేర్చారు.
ఆస్పత్రిలో చికిత్స పొందుతూ వచ్చిన ఆయన.. శ్వాస తీసుకోవడం కూడా కష్టం కావడంతో ఆయనకు వెంటిలేటర్ల సాయంతో శ్వాసను అందించారు. అయితే, ఆరోగ్యం మరింతగా క్షీణించడంతో సోమవారం సాయంత్రం ఆయన కన్నుమూశారు కాగా, ప్రకాశ్ మృతిపై కన్నడ చిత్ర పరిశ్రమ తమ సానుభూతి తెలిపింది.
