మూడో సినిమాతో వ‌స్తున్న కృతిక ఉదయనిధి
తాను ద‌ర్శ‌క‌త్వం వ‌హించ‌బోయే మూడో సినిమా గురించి కృతిక ఉదయనిధి వెల్ల‌డించింది. దానికి సంబంధించిన పోస్ట‌ర్‌ను విడుద‌ల చేసింది. త‌మిళంతోనాటు తెలుగులోనూ విడుద‌ల చేసే ఆలోచ‌న‌లో వుంద‌ని చెబుతోంది. ఈమె తమిళనాడు ముఖ్యమంత్రి స్టాలిన్ కోడలు, ఉదయనిధి స్టాలిన్ భార్య. ఇప్పటికే యూనిక్ స్టోరీ లైన్ తో ‘వనక్కమ్ చెన్నయ్’, ‘కాళీ’ చిత్రాలను కృతిక తెర కెక్కించింది.
ఇప్పుడు తాజా సినిమాలో కాళిదాస్ జయరాం, తన్య రవిచంద్రన్ జంటగా న‌టిస్తున్న‌ట్లు వెల్ల‌డించింది. రైజ్ ఈస్ట్ ఎంటర్టైన్మెంట్ బ్యానర్లో పెంటెల సాగర్ దీనిని నిర్మించబోతున్నాడు. ఇదో జర్నీ ఆఫ్ లైఫ్ మూవీ అని, ఆ ప్రయాణం కధలో అంతర్భాగంగా సాగుతుందని కృతిక తెలిపారు. రిచర్డ్ ఎం. నాధన్ సినిమాటోగ్రఫీ అందిస్తున్న ఈ సినిమా త్వరలో పట్టాలెక్కనుంది. మిగిలిన తారాగణం,సిబ్బందిని త్వరలో ప్రకటిస్తామని కృతిగా ఉదయనిధి చెప్పారు.
