సన్నజాజిలా మారిన అనుష్క... ఎవరికోసం?
వెండితెర దేవసేన అనుష్క. ఈ ముద్దుగుమ్మ సన్నజాజిలా మారింది. దీనికి సంబంధించి కొత్త ఫోటోను షేర్ చేసింది. అందులో ఆమె చాలా నాజూకుగా, సరికొత్త హెయిర్ కట్‌తో ఎంతో ఆకర్షణీయంగా కనిపిస్తోంది. ఆ ఫోటో కింద"ఏదో అద
వెండితెర దేవసేన అనుష్క. ఈ ముద్దుగుమ్మ సన్నజాజిలా మారింది. దీనికి సంబంధించి కొత్త ఫోటోను షేర్ చేసింది. అందులో ఆమె చాలా నాజూకుగా, సరికొత్త హెయిర్ కట్‌తో ఎంతో ఆకర్షణీయంగా కనిపిస్తోంది. ఆ ఫోటో కింద"ఏదో అద్భుతం జరగడం వల్ల కలలు నెరవేరవు, దాని కోసం చెమట చిందించాలి, అంకితభావంతో కృషి చేయాలి" అంటూ కామెంట్ పెట్టింది. ఈ ఫొటో చూసిన అభిమానులు చాలా ఆనందంగా ఫీలైపోతున్నారు.
ప్రస్తుతం ఈ ఫొటో సోషల్‌మీడియాలో వైరల్ అవుతోంది. 'సైజ్‌జీరో' చిత్రంలోని తన పాత్ర కోసం అనుష్క కష్టపడి బరువు పెరిగి ఆ తర్వాత ‘బాహుబలి’ చిత్రం కోసం బరువు తగ్గడానికి ప్రయత్నించారు. కానీ పూర్తిస్థాయిలో సన్నబడలేకపోయారు. ఈ కొత్త ఫొటోను చూస్తుంటే అనుష్క తిరిగి ఇంతకు ముందులా తయారైనట్లు కనబడుతోంది. అయితే, అనుష్క ఉన్నట్టుండి ఇలా ఎందుకు సన్నపడ్డారో ఎవరికీ అంతుచిక్కడం లేదు.
‘బాహుబలి 2’ తర్వాత అనుష్క ‘భాగమతి’ చిత్రంలో నటిస్తున్న విషయం తెల్సిందే. జి.అశోక్‌ ఈ చిత్రానికి దర్శకత్వం వహిస్తున్నారు. యూవీ క్రియేషన్స్‌ సంస్థ చిత్రాన్ని నిర్మిస్తోంది. తమన్‌ స్వరాలు సమకూరుస్తున్నారు. వచ్చే ఏడాది జనవరి 26న ఈ చిత్రం ప్రపంచ వ్యాప్తంగా విడుదల కాబోతోంది.
