విభిన్నంగా అనుష్క "నిశ్శబ్ధం" (టీజర్)
టాలీవుడ్ లేడీ సూపర్ స్టార్ అనుష్క నటిస్తున్న తాజా చిత్రం నిశ్శబ్ధం (సైలెన్స్). భాగమతి చిత్రం తర్వాత ఈ చిత్రంద్వారా ప్రేక్షకుల ముందుకురానుంది. హేమంత్ మ‌ధుక‌ర్ ద‌ర్శ‌క‌త్వంలో రూపొందుతున్న ఈ చిత్రం అమెరికాలో ఎక్కువ భాగం చిత్రీక‌ర‌ణ జ‌రుపుకుంది.
తెలుగు, త‌మిళం, హిందీతో పాటు పలు భాష‌ల‌లో ఈ చిత్రాన్ని విడుదల చేసేందుకు మేక‌ర్స్ స‌న్నాహాలు చేస్తున్నారు. ఈ చిత్రంలో మాధవన్‌ హీరోగా న‌టించ‌నుండ‌గా, అంజలి, షాలినిపాండే, అవ‌స‌రాల శ్రీనివాస్, సుబ్బ‌రాజు, హాలీవుడ్‌ స్టార్ మైఖెల్‌ మ్యాడసన్‌ ప్రధాన పాత్రల్లో నటించనున్నారు.
ఇది సస్పెన్స్, థ్రిల్లర్‌ కథాంశంతో రూపొందనుందని సమాచారం. ప్ర‌ముఖ నిర్మాణ సంస్థ పీపుల్ మీడియా ఫ్యాక్ట‌రీ, కోన ఫిలిం కార్పొరేషన్ సంస్థ‌తో క‌లిసి ఈ చిత్రాన్ని నిర్మిస్తుంది. దీపావ‌ళి సంద‌ర్భంగా చిత్ర ప్రీ టీజర్ విడుదల చేశారు. నవంబరు ఏడో తేదీన విడుదల చేసేందుకు ప్లాన్ చేస్తున్నారు.
