నేల టిక్కెట్టు ఆడియో ఫంక్షన్‌కి ప‌వ‌న్ క‌ళ్యాణ్ వ‌స్తున్నారా..?

సోగ్గాడే చిన్ని నాయ‌నా, రారండోయ్ వేడుక చూద్దాం.. చిత్రాల‌తో వ‌రుస విజ‌యాలు సాధించి టాలెంటెడ్ డైరెక్ట‌ర్ క‌ళ్యాణ్ కృష్ణ తెర‌కెక్కిస్తోన్న తాజా చిత్రం నేల టిక్కెట్టు. ఈ చిత్రంలో ర‌వితేజ‌, మాళ‌విక శ‌ర్మ జంట‌గా న‌టించారు. రామ్ తాళ్లూరి ఈ సినిమాని ఏమాత్రం

Publish: Wed, 2 May 2018 (19:05 IST) Updated: Wed, 2 May 2018 (19:06 IST)

సోగ్గాడే చిన్ని నాయ‌నా, రారండోయ్ వేడుక చూద్దాం.. చిత్రాల‌తో వ‌రుస విజ‌యాలు సాధించి టాలెంటెడ్ డైరెక్ట‌ర్ క‌ళ్యాణ్ కృష్ణ తెర‌కెక్కిస్తోన్న తాజా చిత్రం నేల టిక్కెట్టు. ఈ చిత్రంలో ర‌వితేజ‌, మాళ‌విక శ‌ర్మ జంట‌గా న‌టించారు. రామ్ తాళ్లూరి ఈ సినిమాని ఏమాత్రం రాజీప‌డ‌కుండా నిర్మించారు. ప్ర‌స్తుతం శ‌ర‌వేగంగా నిర్మాణానంత‌ర కార్య‌క్ర‌మాలు జ‌రుపుకుంటోన్న ఈ మూవీని ఈ నెల 24న రిలీజ్ చేయ‌డానికి ప్లాన్ చేస్తున్నారు.

ఈ లోగా ఈ నెల 12వ తేదీన ఈ సినిమా ఆడియో వేడుకను నిర్వహించవచ్చనే టాక్ వినిపిస్తోంది. ఈ వేడుకకు ముఖ్య అతిథిగా పవన్ కళ్యాణ్‌ను ఆహ్వానించారని ప్ర‌చారం జ‌రుగుతోంది. అయితే... ఈ సినిమా ఆడియో రిలీజ్ డేట్ విషయంగానీ .. ముఖ్య అతిథి విషయం గాని అధికారికంగా ఖరారు కాలేదని తాజాగా డైరెక్ట‌ర్ క‌ళ్యాణ్ కృష్ణ ట్వీట్ చేశాడు.

మరి ఇదే విషయాన్ని అధికారికంగా చెబుతారో.. కొత్త నిర్ణయమేదైనా చెబుతారో చూడాలి. ఈ సినిమాకి శక్తికాంత్ సంగీతాన్ని అందించాడు. మాస్ టైటిల్‌తో కూడిన ఈ సినిమా, ఫ్యామిలీ ఎంటర్టైనర్‌గా రూపొందడం విశేషం. మ‌రి.. ఈ మూవీతో క‌ళ్యాణ్ కృష్ణ హ్యాట్రిక్ సాధిస్తాడేమో చూడాలి.