శంకర్‌ దర్శకత్వంలో యూత్‌ లీడర్‌గా రామ్‌చరణ్‌
Ramcharan at kondareddy buruju
తమిళ దర్శకుడు శంకర్‌ దర్శకత్వంలో రామ్‌చరణ్‌ నటిస్తున్నారు. ఈ సినిమాకు ఆర్‌.సి.15గా వర్కింగ్‌ టైటిల్‌ వుంది. ఈ చిత్రం ఇటీవలే కొంత టాకీ పూర్తయింది. తాజాగా కర్నూల్‌లో శుక్రవారంనాడు షూట్‌ చేశారు. అక్కడకు రామ్‌చరణ్‌ వస్తున్నారని తెలియగానే వేలాదిమంది యూత్‌ ఆయన బ్లాక్‌ కార్‌ వాహనం వెంట పడ్డారు. స్థానిక పోలీసులు పర్యవేక్షించారు. కర్నూలులోని కొండారెడ్డి బురుజు ప్రాంతమంతా రాజకీయ పార్టీ జెండాలతో నిండిపోయింది.
అక్కడకు రామ్‌చరణ్‌ వచ్చి కొండారెడ్డిబురుజు నుంచి ఎన్నికల ప్రచారం చేస్తున్నారు. ఇందులో ఓ రాజకీయ పార్టీ నాయకుడుగా యూత్‌లీడర్‌గా ఆయన నటిస్తున్నారు. ప్రజల మంచి కోసం, బాగు కోసం నేను ఈ కండువా వేసుకున్నానంటూ చెప్పిన ఆయన డైలాగ్‌కు అక్కడివారంతా కేరింతలతో నిండిపోయింది. పై నుంచి అందరికీ విషెస్‌ చెప్పారు. దర్శకుడు శంకర్‌ ఇందులో రామ్‌ చరణ్‌ను ద్విపాత్రాభినయం చేయిస్తున్నారు. ఇందులో కియారా అద్వానీ, అంజలి, నవీన్‌ చంద్ర, జయరామ్‌, సునీల్‌ తదితరులు నటిస్తున్నారు. దిల్‌ రాజు నిర్మాత.
