నేడు రవితేజ "రామారావు ఆన్ డ్యూటీ" ప్రీరిలీజ్ ఈవెంట్
మాస్ మహారాజ్ రవితేజ నటించిన కొత్త చిత్రం "రామారావు ఆన్ డ్యూటీ". ఈ నెలాఖరులో అంటే 29వ తేదీన విడుదలకానుంది. దీన్ని పురస్కరించుకుని ఆదివారం సాయంత్రం హైదరాబాద్ నగరంలో ప్రిరిలీజ్ ఈవెంట్ను గ్రాండ్గా నిర్వహిస్తున్నారు.
శ్యామ్ సీఎస్ సంగీతం సమకూర్చిన ఈ చిత్రం ప్రిరిలీజ్ ఈవెంట్ హైదరాబాద్ ఫిల్మ్ నగర్ జేఆర్సీ కన్వెన్షన్ సెంటరులో నిర్వహించనున్నారు. సాయంత్రం 6 గంటల నుంచి ఈ వేడుక మొదలవుతుంది.
పైగా, ఈ కార్యక్రమానికి రవితేజ అభిమానులు తెల్ల చొక్కాతో రావాలని ఓ పోస్టరు ద్వారా తెలిపారు. "మజిలీ" తర్వాత దివ్యాన్ష చేసిన సినిమా ఇది. ఇక రజీషా విజయన్కు ఇది తొలి తెలుగు చిత్రం. ఈ సినిమాతోనే తొట్టెంపూడి వేణు రీ ఎంట్రీ ఇస్తున్నారు. ఇతర ముఖ్యమైన పాత్రల్లో నాజర్, పవిత్రా లోకేశ్లు నటించారు.
