#RDXLove.. పాయల్ విశ్వరూపం.. ట్రైలర్ అదిరిందిగా.. (Trailer)
ఆర్ఎక్స్ 100 సినిమాతో కుర్రకారును కట్టిపడేసిన పాయల్ రాజ్ పుత్.. తాజాగా ఆర్డీఎక్స్ లవ్ పేరిట సినిమా చేస్తుంది. ఈ సినిమా ట్రైలర్ ప్రస్తుతం సోషల్ మీడియాలో షేక్ చేస్తోంది. తొలి టీజర్‌లో మొత్తం రొమాన్స్‌కే పరిమితమైన పాయల్ రాజ్ పుత్.. మళ్లీ గ్లామర్ కోసమే ఇందులో నటించింది కాబోలు అని అందరూ అనుకున్నారు.
కానీ ప్రస్తుతం విడుదలైన ట్రైలర్‌ను చూస్తే మాత్రం పాయల్ మంచి కథ, సూపర్ రోల్ చేసేందుకే ఈ సినిమాకు గ్రీన్ సిగ్నల్ ఇచ్చిందని తెలుస్తోంది. ట్రైలర్‌లో పాయల్ యాక్షన్ హీరోయిన్ అవతారం ఎత్తింది. ఇటీవల విడుదలైన ఈ సినిమా టీజర్ బోల్డ్‌గా ఉండటంతో పాయల్‌పై విమర్శలు కూడా వచ్చాయి. కానీ మళ్లీ అదే తప్పు చేయకుండా స్టోరీ చుట్టూ కథను నడిపేలా సినీ దర్శకనిర్మాతలు ట్రైలర్‌ను కట్ చేశారు.
అనగనగ ఒక ఊరు. ఆ ఊరికి ఓ సమస్య ఉన్నది. ఆ సమస్యను పరిష్కరించేందుకు గ్రామం మొత్తం ఏకం అవుతుంది. అదే సమయంలో పాయల్ రాజ్‌పుత్ ఎంట్రీ ఇస్తుంది. సమస్యను పరిష్కరించేందుకు రంగంలోకి దిగుతుంది. ఇంత అందమైన అమ్మాయిలకు ఇంత రిస్కీ జాబ్ అవసరమా?, వేటాడాలనుకునే మగాడికి లేడిపిల్లలా కనిపించవచ్చు.
కానీ అదే వేటాడాలనుకున్న ఆడపిల్లకి మగ సింహం కూడా కుక్కపిల్లలా కనిపిస్తుంది, క్యారెక్టర్ వున్న ఆడదాని మాటే అగ్రిమెంట్ రా, అమ్మాయిలతో మాట్లాడాలంటే.. నిజం చెప్పి బతిమాలండి కరిగిపోతారు. అంతేగానీ అబద్ధం చెప్పి బాధపెట్టకండి.. కరిగించేస్తారు.. అంటూ చివరిగా పాయల్ చెప్పే డైలాగ్ ట్రైలర్‌కు హైలైట్‌గా నిలిచింది.
