రామ్ గోపాల్ వర్మ ఇచ్చిన అవకాశాన్ని వదులుకున్న సునీత?
సింగర్‌గా, డబ్బింగ్ ఆర్టిస్టుగా, వ్యాఖ్యాతగా విధులు నిర్వహిస్తున్నారు సింగర్ సునీత. ప్రస్తుతం ఆమె ఒకవైపు భర్త.. మరొకవైపు పిల్లల భవిష్యత్తు అన్నీ కూడా సునీత దగ్గరుండి చూసుకోవాల్సిన సమయం వచ్చిందని చెప్పాలి. తాజాగా ఓ ఇంటర్వ్యూలో తనకు హీరోయిన్‌గా అవకాశం వచ్చినప్పుడు.. ఏం జరిగింది అనే విషయాన్ని మీడియాతో వెల్లడించారు.
గులాబీ సినిమాలో సింగర్‌గా అవకాశం వచ్చినప్పుడు "ఈ వేళలో నీవు ఏం చేస్తూ ఉంటావో" అనే పాట పాడిన తర్వాత.. ఆ సినిమాతో సునీతకు కూడా మంచి సక్సెస్ అందుకుంది. గులాబీ సినిమాలో పాట బాగా సక్సెస్ అయిన తర్వాత దర్శకుడు రామ్ గోపాల్ వర్మ స్కూల్ సినిమా కోసం హీరోయిన్‌గా నటించే అవకాశాన్ని సునీతకు ఇచ్చారట.
కానీ సునీత హీరోయిన్‌గా నటించడానికి ఒప్పుకోలేదు. ఆ తర్వాత రాంగోపాల్ వర్మ ఆ అవకాశం అతిలోకసుందరి శ్రీదేవికి కల్పించారు. అలాగే దర్శకుడు ఎస్ వి కృష్ణారెడ్డి కూడా తనకు హీరోయిన్‌గా అవకాశం కల్పించాలని చూశారు.
కానీ సునీతకు నటనపై ఆసక్తి లేకపోవడం వల్లే అవకాశాన్ని ఆమె వినియోగించుకోలేదు. అప్పటికే సునీత డబ్బింగ్ ఆర్టిస్ట్‌గా కూడా మంచి ఫామ్‌లో ఉన్నారు. అందుకే హీరోయిన్‌గా నటించే అవకాశం వదులుకున్నాను అని సునీత తెలిపారు.
