ఆర్ఆర్ఆర్‌పై క్లారిటీ ఇచ్చిన రాజమౌళి.. ఆ చిత్రానికి ఏమాత్రం తీసిపోదట...
దర్శకధీరుడు ఎస్.ఎస్.రాజమౌళి దర్శకత్వం వహిస్తున్న చిత్రం "ఆర్.ఆర్.ఆర్". ఈ చిత్రంలో జూనియర్ ఎన్టీఆర్‌, రామ్ చరణ్‌లు నటిస్తున్నారు. ప్రముఖ నిర్మాత డి.వి.వి. దానయ్య నిర్మిస్తున్న ఈ చిత్రం షూటింగ్ ప్రస్తుతం శరవేగంగా సాగుతోంది. ఏకంగా రూ.300 కోట్ల బడ్జెట్‌తో తెరకెక్కిస్తున్నారు.
అలాంటి చిత్రం చిత్ర కథ ఏమైవుంటుందన్న సంశయం ప్రతి ఒక్కరిలోనూ నెలకొంది. దీంతో ట్రిపుల్ ఆర్‌పై రాజమౌళి స్పందించారు. ఈ చిత్రం గతంలో వచ్చిన 'బాహుబలి' చిత్రానికి ఏమాత్రం తీసిపోదని స్పష్టంచేశారు. పైగా, ఇది 'పాన్ ఇండియా' చిత్రమని చెప్పారు. దీంతో ఈ చిత్రంపై అంచనాలు భారీగా పెరిగిపోయాయి.
ప్రస్తుతం రామోజీ ఫిలిం సిటీలో ఈ చిత్రానికి సంబంధించిన సెకండ్ షెడ్యూల్ చిత్రీకరణ జరుగుతోంది. రామ్ చరణ్‌పై పోరాట సన్నివేశాలను చిత్రీకరిస్తున్నారని తెలుస్తోంది. ఇదొక పిరియాడికల్ మూవీ అని ఇప్పటికే టాక్ నడుస్తోంది. ఇటీవల లీక్ అయిన కొన్ని షూటింగ్ తాలుకు ఫోటోలు కూడా ఈ విషయాన్ని ధృవ పరుస్తున్నాయి.
