సంబంధిత వార్తలు
- 48 గంటలు గడిస్తేగానీ ఏమీ చెప్పలేం .. కృష్ణ ఆరోగ్యంపై హెల్త్ బులిటెన్
- ఆవకాయ్తో తంటా.. గొంతులో ఇరుక్కున్న టెంక.. ఆ మహిళకు ఏమైంది?
- వృద్ధుడి పొట్టలోకి వెళ్లిన గ్లాసు... నిర్ఘాంతపోయిన వైద్యులు...
- సోషల్ మీడియాలో మహిళ పరిచయం.. ఆస్పత్రికి పిలిచి మరో ఇద్దరితో కలిసి వైద్యుడు రేప్
- యూపీలో మహిళపై ముగ్గురు వైద్యుల సామూహిక అత్యాచారం..
మా డాడీ కృష్ణ ఆరోగ్యం కోసం దేవుడ్ని ప్రార్థించండి : హీరో నరేశ్
సూపర్ స్టార్ కృష్ణ ఆరోగ్య పరిస్థితి అత్యంత విషమంగా ఉంది. ప్రస్తుతం ఆయన హైదరాబాద్ నగరంలో గచ్చిబౌలిలో ఉన్న కాంటినెంటల్ ఆస్పత్రిలో అత్యవసర సేవల విభాగంలో చికిత్స పొందుతున్నారు. ఆయన ఆరోగ్యంపై సీనియర్ నటుడు, కృష్ణ తనయుడు నరేష్ స్పందించారు. తన తండ్రి కృష్ణ ఆరోగ్యం నిలకడగానే ఉన్నప్పటికీ పరిస్థితి మాత్రం విషమంగానే ఉందనీ, శ్వాస తీసుకుంటున్నారని వెల్లడించారు. రేపు ఆయన ఆరోగ్య పరిస్థితి మెరగవుతుందని భావిస్తున్నామని తెలిపారు.
కృష్ణ రీల్ లైఫ్లోనే కాకుండా రియల్ లైఫ్లో కూడా ధైర్యశాలి, సాహసవంతుడు అని కొనియాడారు. ఆయన ఓ పోరాట యోధుడని, ఈ పరిస్థితి నుంచి క్షేమంగా బయటకి వస్తారని నమ్ముతున్నామని తెలిపారు. కృష్ణగారి ఆరోగ్యం కోసం ఆయన అభిమానులంతా దేవుడిని ప్రార్థించండి అని నరేష్ పిలుపునిచ్చారు.
మరోవైపు, కృష్ణ ఆరోగ్యంపై మరోమారు ఆస్పత్రి వైద్య వర్గాలు స్పందించాయి. కృష్ణకు మల్టీ ఆర్గాన్స్ ఫెయిల్యూర్ అయ్యాయని, తాము అందిస్తున్న ప్రపంచ స్థాయి వైద్యం పట్ల కుటుంబ సభ్యులు సంతృప్తి వ్యక్తం చేస్తున్నారని తెలిపారు. అయితే, ఆయన ఆరోగ్యం ఇంకా విషమంగానే ఉందని తెలిపారు.
24 గంటలు గడిస్తేనేగానీ ఆయన ఆరోగ్య పరిస్థితి మెరుగుపడే అవకాశం లేదని చెప్పారు. ప్రస్తుతం కృష్ణకు ఎనిమిది మందితో కూడిన వైద్య బృందం చికిత్స అందిస్తున్నట్టు కాంటినెంటల్ ఆస్పత్రి ఛైర్మన్ డాక్టర్ గురు ఎన్.రెడ్డి తెలిపారు.
