కుమారస్వామి, వానపాము, యడ్యూరప్ప,.. వీరిలో రైతు స్నేహితులు ఎవరు?
లోక్‌సభ ఎన్నికల వేళ బెంగళూరుకు చెందిన మౌంట్‌ కార్మెల్‌ ఇంగ్లీష్‌ హైస్కూల్‌ పరీక్షల్లో వివాదాస్పదమైన ప్రశ్నను అడిగింది. ఎనిమిదో తరగతి ప్రశ్నాపత్రంలో రైతు స్నేహితులు ఎవరు? అనే ప్రశ్నను అడిగి దాని కింద మూడు ఆప్షన్లను ఇచ్చింది. ఈ ఆప్షన్లలో మొదటి ఆప్షన్‌ కుమారస్వామి, రెండో ఆప్షన్‌ వానపాము, మూడో ఆప్షన్‌ కింద యడ్యూరప్ప పేరును చేర్చారు.
ఈ విషయం బయటకు రావడంతో సోషల్‌ మీడియాలో బాగా వైరల్ అయింది. దీనిపై స్కూల్‌ యాజమాన్యం స్పందిస్తూ తాము ఏ పార్టీకి మద్దతివ్వడం లేదన్నారు. ప్రశ్నాపత్రాన్ని రూపొందించిన టీచర్‌ను సస్పెండ్‌ చేసామని తెలిపారు.
తమ పాఠశాలకు సంబంధించిన ప్రశ్నాపత్రం సోషల్‌ మీడియాలో వైరల్ కావడం ఇబ్బందికరంగా ఉందన్నారు. అయితే మొత్తానికి విద్యార్థులు మాత్రం ఆ ప్రశ్నకు సరియైన సమాధానాన్నే రాసారు. రైతు స్నేహితుడు వానపాము అని విద్యార్థులు గుర్తించారు.
