30-08-2022 మంగళవారం దినఫలాలు - నారాయణ స్వామిని ఆరాధించినా...

Publish: Tue, 30 Aug 2022 (04:00 IST) Updated: Mon, 29 Aug 2022 (22:09 IST)

మేషం :- ఒప్పందాలు, ఇచ్చిపుచ్చుకునే వ్యవహరాల్లో ఏకాగ్రత వహించండి. దంపతుల ఆలోచనలు పరస్పర విరుద్ధంగా ఉంటాయి. స్త్రీలకు షాపింగ్ వ్యవహారాలు, అపరిచిత వ్యక్తుల విషయంలోను అప్రమత్తత అవసరం. ప్రేమికులకు పెద్దల నుంచి వ్యతిరేకత, ఆంక్షలు తప్పవు. సభ, సన్మానాలలో చురుకుగా పాల్గొంటారు.

వృషభం :- మీ మౌనం వారికి గుణపాఠమవుతుంది. విద్యార్థులు అల్లర్లు, ఆందోళనలకు దూరంగా ఉండటం క్షేమదాయకం. వ్యాపారాల్లో అమలు చేసిన పథకాలు మునుముందు మంచి ఫలితాలిస్తాయి. స్త్రీలకు వాహనం నడుపుతున్నపుడు ఏకాగ్రత అవసరం. అపరిచిత వ్యక్తులతో అధికంగా సంభాషించడం మంచిదికాదు.

మిథునం :- మీ తొందరపాటు నిర్ణయాల వల్ల కష్టనష్టాలు, ఇబ్బందులు తప్పవు. కోర్టు వ్యవహారాలలో ప్లీడర్ల, తీరు ఆందోళన కలిగిస్తుంది. స్త్రీలకు ఆరోగ్యపరమైన సమస్యలు తలెత్తుతాయి. ఉద్యోగస్తులు అపరిచిత వ్యక్తులవల్ల చిక్కుల్లో పడే ఆస్కారం ఉంది. ఆధ్యాత్మిక చింతన పెరుగుతుంది. గృహోపకరణాలు అమర్చుకుంటారు.

కర్కాటకం :- కుటుంబీకుల మధ్య అవగాహన, ఏకాభిప్రాయం సానుకూల మవుతాయి. సమయస్ఫూర్తితో ఒక సమస్యను అధిగమిస్తారు. వస్త్ర వ్యాపారులు పనివారలను ఓ కంట కనిపెట్టుకుని ఉండటం శ్రేయస్కరం. స్తోమతుకు మించిన వాగ్దానాల వల్ల ఇబ్బందు లెదర్కుంటారు. గత తప్పిదాలు పునరావృతమయ్యే సూచనలున్నాయి.

సింహం :- ఆర్థిక లావాదేవీలు, కుటుంబ వ్యవహారాలు సమర్థంగా నిర్వహిస్తారు. స్థిరాస్తి అమ్మకంపై ఒత్తిడివల్ల ఆందోళనలకు గురవుతారు. రుణం ఏ కొంతైనా తీర్చాలన్న మీ యత్నం నెరవేరగలదు. నిరుద్యోగులకు ఇంటర్వ్యూలలో ఏకాగ్రత అవసరం. నిరుద్యోగులు ఏ చిన్న అవకాశమైనా సద్వినియోగం చేసుకోవటం మంచిది.

కన్య :- ఫైనాన్సు, వ్యాపారులు మొండి బాకీల మీద దృష్టి ఉంచండి. మీతో సఖ్యత నటిస్తూనే తప్పుదారి పట్టించేందుకు కొంతమంది యత్నిస్తారు. అందరికి సహాయం చేసి మాటపడతారు. పెట్టుబడులకు సంబంధించిన వ్యవహారాలలో ఆచితూచి వ్యవహరించండి. మీ వాహనం ఇతరులకిచ్చి ఇబ్బందులను ఎదుర్కుంటారు.

తుల :- ఆర్థిక విషయాల్లో ప్రణాళికాబద్ధంగా వ్యవహరిస్తారు. మీ మతిమరుపు ఇబ్బందులకు దారితీస్తుంది. కొన్ని నచ్చని సంఘటనలెదురైనా భరించక తప్పదు. కాంట్రాక్టర్లకు అధికారుల నుంచి అభ్యంతరా లెదుర్కోవలసి వస్తుంది. ఖర్చులు ఊహించినవే కావటంతో మీ అవసరాలకు కావలసిన ధనం ముందుగానే సిద్ధం చేసుకుంటారు.

వృశ్చికం :- వాణిజ్య ఒప్పందాలు, బ్యాంకు చెక్కులు ఇచ్చే విషయంలో ఏకాగ్రత అవసరం. పట్టువిడుపు ధోరణితో కొన్ని సమస్యలు పరిష్కారం కాగలవు. సతీసమేతంగా ఒక పుణ్యక్షేత్రాన్ని సందర్శిస్తారు. ప్లీడర్లకుతమ క్లయింట్లు తీరు ఇబ్బందులకు గురిచేస్తుంది. విద్యార్థులు ప్రేమ వ్యవహారాలకు దూరంగా ఉండటం మంచిది.

ధనస్సు :- స్త్రీల పరిచయాలు వ్యాపకాలు అధికమవుతాయి. ఉద్యోగ, వ్యాపారులకు అధికారుల నుండి ఒత్తిడి, చికాకులు సమస్యలు తలెత్తుతాయి. మిమ్మల్ని పొగిడే వారే కానీ సహకరించే వారుండరు. స్థిరాస్తుల కొనుగోలు యత్నాలు అనుకూలిస్తాయి. హోటల్, కేటరింగ్ రంగాల్లోవారు పనివారితో ఇబ్బందులు ఎదుర్కొంటారు.

మకరం :- కాంట్రాక్టుదారులకు ఆందోళనలు కొన్ని సందర్భములందు ధననష్టము సంభవించును. ప్రయాణాల్లో తొందరపాటుతనం అంత మంచిది కాదని గమనించండి. స్త్రీలకు షాపింగ్ వ్యవహారాలలో ఏకాగ్రత అవసరం. కొత్త షేర్ల కొనుగోళ్ళలో పునరాలోచన అవసరం. ఆరోగ్యములో ఆకస్మిక ఆందోళనతప్పదు.

కుంభం :- వృత్తి, వ్యాపారులకు సమస్యలెదురైనా ఆదాయానికి కొదవ ఉండదు. రాజకీయ నాయకులకు ఊహించని మార్పులు చోటుచేసుకుంటాయి. కుటుంబ సమస్యల నుండి బయటపడతారు. ఉపాధ్యాయులకు విద్యార్థుల వల్ల సమస్యలు తలెత్తే ఆస్కారం ఉంది జాగ్రత్త వహించండి. మిత్రుల కోసం షాపింగ్ చేస్తారు.

మీనం :- పత్రికా సిబ్బందికి వార్తల ప్రచురణలో పునరాలోచన మంచిది. ఆలయాలను సందర్శిస్తారు. ప్రభుత్వ కార్యాలయాల్లో మీ పనులు సానుకూలమవుతాయి. మాట్లాడలేనిచోట మౌనం వహించడం మంచిది. ఉద్యోగస్తులు, రాజకీయనాయకులు సభలు, సమావేశాలలో హుందాగా వ్యవహరించి అందరినీ ఆకట్టుకుంటారు.