తిరుపతి: స్విగ్గీలో ఆర్డర్ చేసిన బిర్యానీలో బొద్దింకలు.. షాకైన కస్టమర్
బిర్యానీకి హైదరాబాద్ బాగా ఫేమస్. అయితే ఈ మధ్య హైదరాబాదులోని రెస్టారెంట్లలోని బిర్యానీల్లో జెర్రి వంటివి కనిపించిన దాఖలాలు వున్నాయి. తాజాగా స్విగ్గీ బిర్యానీలో బొద్దింక కనిపించింది. అయితే ఇది హైదరాబాదులో కాదు.. తిరుపతి సిటీలో. తిరుపతి నగరంలోని హోటల్ నుండి ఆన్లైన్ ఆర్డర్ ద్వారా తెప్పించుకున్న బిరియానిలో బొద్దింక ఉండడంతో వినియోగదారుడు షాక్ అయ్యాడు.
వివరాల్లోకి వెళితే.. తిరుపతి చెందిన ఓ వినియోగదారుడు బస్ స్టాండ్ సమీపంలోని స్పైసీ ప్యారడైస్ హోటల్ నుండి స్విగ్గి ఆన్లైన్ ద్వారా బకెట్ బిర్యానీ ఆర్డర్ చేశాడు. అందుకు రూ.1255 చెల్లించాడు. బకెట్ బిర్యానీ ఆర్డర్ చేతికి వచ్చాక ఓపెన్ చేయగానే బిర్యానీలో బొద్దింకలు ఉండడంతో షాకయ్యాడు.
తిరుపతిలో ఇదివరకు కూడా ఇలాంటి ఘటనలు అనేకం జరిగాయి. అందుకే తిరుపతిలో హోటల్స్, ఫుడ్ సేప్టీ అధికారులపై నగర వాసులు, యాత్రికులు ఆగ్రహం వ్యక్తం చేస్తున్నారు. ఐతే.. ఈ ఘటనపై స్విగ్గీ ఇంకా స్పందించలేదని తెలిసింది.
